Fotokollaj: Ulysmedia.kz
Polshadan qarjy piramidasynyń jetekshileriniń biri ekstraditsiialandy, - dep habarlaidy "Ult aqparat" Bas prokýratýranyń baspasóz qyzmetine silteme jasap.
Polshanyń Ádilet ministrligi transulttyq uiymdasqan top quramynda «QI Trade Kazakhstan» qarjy piramidasyn basqarǵany úshin izdeýde júrgen K-ny ekstraditsiialaý týraly Qazaqstan Bas prokýratýrasynyń ótinishin qanaǵattandyrdy.
"Ol 2018-2020 jyldar aralyǵynda bótenniń múlkin jymqyrý maqsatynda qarjy piramidasynyń jetekshileriniń biri bola tura, azamattardyń aqshalai salymdaryn jalǵan jobalarǵa tartýdyń qylmystyq shemasyn uiymdastyryp, úlken paiyzdarmen tólem jasaý elesin qalyptastyrǵan degen kúdikke ilingen. Uiymdasqan top músheleriniń qylmystyq áreketteriniń nátijesinde zardap shekken 1345 jábirlenýshige 6,3 milliard teńgeden astam shyǵyn keltirilgen", - delingen habarlamada.
Vedomstvo málimetinshe, qylmystardy jasaǵannan keiin "K" qylmystyq qýdalaý organdarynan jasyrynǵan, sondyqtan oǵan halyqaralyq izdeý jariialanǵan.
"Búgin Bas prokýratýra men Ishki ister ministrliginiń qyzmetkerleri Syrtqy ister ministrliginiń kómegimen kúdikti "K" qylmystyq jaýapkershilikke tartý úshin Qazaqstanǵa ekstraditsiialandy. Qazirgi ýaqytta ol Astanadaǵy ýaqytsha ustaý izoliatoryna qamaldy", - delingen habarlamada.
Osy qylmystardy jasaǵany úshin ol 5 jyldan 12 jylǵa deiin bas bostandyǵynan aiyrylýy múmkin.
Aita ketý kerek, Polsha alǵash ret izdeýde júrgen adamdy Qazaqstanǵa ekstraditsiialady, bul bizdiń elimizde júrgizilip jatqan reformalarǵa, onyń ishinde qylmystyq-quqyqtyq salaǵa degen senimniń artqanyn kórsetedi.
