پولشانىڭ مەسكەۋدەگٸ ەلشٸلٸگٸ رەسەيدٸڭ بٸرقاتار اقپارات قۇرالى مەن ساياساتكەرٸن "جالعان اقپارات تاراتتى" دەپ ايىپتادى. ەلشٸلٸكتٸڭ ايتۋىنشا, ولار پولشا بيلٸگٸ يتاليياعا گۋمانيتارلىق كٶمەك جەتكٸزبەك بولعان رەسەيلٸك ەسكەري ۇشاقتاردىڭ پولشا اۋماعىنان ۇشىپ ٶتۋٸنە كەدەرگٸ جاسادى دەپ جالعان مەلٸمدەمە جاساعان.
"رەسەي تارابى ەسكەري ۇشاقتاردى ٶتكٸزۋ تۋرالى پولشا جاعىنا ٶتٸنٸش تٷسٸرمەدٸ. سوندىقتان پولشا بيلٸگٸ يتاليياعا رەسەيلٸك گۋمانيتارلىق كٶمەكتٸڭ جەتكٸزٸلۋٸنە كەدەرگٸ جاساۋعا تىرىستى دەگەن اقپارات شىندىققا سەيكەس كەلمەيدٸ" دەلٸنگەن پولشانىڭ مەسكەۋدەگٸ ەلشٸلٸگٸنٸڭ جٸبەرگەن حابارلاماسىندا. پولشا ەلشٸلٸگٸ رەسەيلٸك باق-تى ەۋروپادا كوروناۆيرۋسپەن كٷرەس تاقىرىبىن قامتىعان كەزدە دەرەك كٶزٸن مۇقييات تاڭداۋعا شاقىردى.
جاقىندا رەسەي يتاليياعا دەرٸگەرلەرٸن جٸبەرٸپ, دەزينفەكتسييا قۇرالدارىن دا جەتكٸزگەن. وسىلايشا داعدارىس كەزٸندە يتاليياعا كٶمەكتەسكەن ەلدەردٸڭ بٸرٸنە اينالدى. بۇعان دەيٸن يتاليياعا قىتاي, كۋبا, گەرمانييا, فرانتسييا كٶمەك بەرگەن.
يتاليياعا رەسەيلٸك ۇشاق قونعاننان كەيٸن بٸرقاتار كرەملدٸ قولدايتىن باق, بلوگتار مەن تەلەگرام ارنالارى پولشا ۇشاقتاردى ٶتكٸزبەي قويدى دەگەن اقپارات تاراتقان. مىسالى "كومسومولسكايا پراۆدا" باسىلىمى فەدەراتسييا مٷشەسٸ الەكسەي پۋشكوۆتىڭ "پولشا يتاليياعا گۋمانيتارلىق كٶمەك جەتكٸزبەك بولعان رەسەيلٸك ۇشاقتاردى ەۋە كەڭٸستٸگٸنەن ٶتكٸزبەي قويدى. بۇل مەملەكەتتٸك دەڭگەيدە جاسالعان ساتقىندىق" دەپ جازعان Twitter-دەگٸ پوستىن جارييالادى. 24 ناۋرىزدا پۋشكوۆ جازباسى جوعالىپ كەتتٸ.
بۇعان دەيٸن رەسەي پرەزيدەنتٸ ۆلاديمير پۋتين ەكٸنشٸ دٷنيەجٷزٸلٸك سوعىسقا تٷرتكٸ بولعان وقيعالارعا باعا بەرٸلۋٸن سىناپ, ٸزٸنشە ەكٸ تاراپ بٸر-بٸرٸنە باعىتتالعان ٶتكٸر مەلٸمدەمە جاساعان.
