ساراپتاما بارىسىندا ٷش جاساردىڭ قىزدىڭ دەنەسٸنەن زورلىق-زومبىلىق بەلگٸلەرٸ تابىلماعان, دەپ حابارلايدى شىمكەنت قالاسى پوليتسييا دەپارتامەنتٸنٸڭ باسپاسٶز قىزمەتٸ.
ساراپتامانىڭ الدىن الا قورىتىندىسى بويىنشا قىز قۇلاۋ سالدارىنان ٶز قۇسىعىنا تۇنشىعىپ قالۋى مٷمكٸن.
"الدىن الا ساراپتاماعا سەيكەس, وعان "قۇسۋ ماسساسىنىڭ مەحانيكالىق اسفيكسيياسى" دەگەن دياگنوز قويىلعان. ياعني, قىز ٶز قۇسىعىنا تۇنشىعىپ كٶز جۇمۋى مٷمكٸن. سەبەبٸ ونىڭ ٸشكٸ قۇرىلىسىندا شايقالۋ بەلگٸلەرٸ بار. ساراپتاما بارىسىندا قىزدىڭ دەنەسٸنەن زورلىق-زومبىلىق بەلگٸلەرٸ تابىلمادى", - دەلٸنگەن حابارلامادا.
سونىمەن قاتار باسپاسٶز قىزمەتٸ كٸشكەنتاي قىزدىڭ تٶرت جاسقا تولماعانىن اتاپ ٶتتٸ.
"بٷگٸندە ٸستٸڭ مەن-جايىن انىقتاۋعا باعىتتالعان بارلىق قاجەتتٸ جەدەل-تەرگەۋ ٸس-شاراسى جٷرگٸزٸلۋدە. تيٸستٸ ساراپتامالار تاعايىندالعان. ٸستٸ تەرگەۋ شىمكەنت قالاسى پروكۋراتۋراسى مەن پوليتسييا دەپارتامەنتٸ باسشىلىعىنىڭ جٸتٸ باقىلاۋىندا", - دەپ حابارلادى پوليتسييا قىزمەتكەرلەرٸ.
قالعان اقپارات قر قىلمىستىق-پروتسەستٸك كودەكستٸڭ 201-بابىنا (سوتقا دەيٸنگٸ تەرگەپ-تەكسەرۋ دەرەكتەرiن جارييا ەتۋگە جول بەرمەۋ) سەيكەس جارييالانبايدى.
ەستەرٸڭٸزگە سالا كەتەيٸك, وسىعان دەيٸن شىمكەنت قالاسىنداعى ەسكٸ گاراجداردىڭ بٸرٸنەن كٸشكەنتاي قىزدىڭ ٶلٸ دەنەسٸ تابىلعان ەدٸ. كۋەگەر قىز بالانىڭ ٸش كيٸمٸ بولماعانىن, بەتٸ كٶگەرٸپ كەتكەنٸن ايتقان. جەرگٸلٸكتٸ پوليتسييا بولعان وقيعانى راستاعان.
