الماتى پوليتسيياسى ٶزٸنە قول سالعان 8 سىنىپ وقۋشىسىنا قاتىستى ٸستٸڭ تەرگەلٸپ جاتقانىن مەلٸمدەدٸ, دەپ حابارلايدى قازاقپارات.
«تەرگەۋ وقيعا بولعان كٷنٸ دەرەۋ قولعا الىندى. ٸستٸ بوستاندىق اۋداندىق پوليتسييا باسقارماسى تەرگەپ جاتىر. 8 سىنىپتىڭ وقۋشىسى. سۇمدىق جاعداي. بالا وتباسىنىڭ تۇڭعىشى, ودان بٶلەك 3 بالاسى بار. بولعان جايت تۋرالى جۇرتشىلىق بٸلەدٸ دەپ ويلايمىن. وقيعا تۋرالى بٸرنەشە كٷن بويى باق پەن ەلەۋمەتتٸك جەلٸدە ايتىلدى. ٸس قارالىپ جاتىر», - دەدٸ الماتى قالاسىنىڭ پوليتسييا دەپارتامەنتٸ باسشىسىنىڭ ورىنباسارى رۋستام ەبدٸراحمانوۆ تٸكەلەي ەفير كەزٸندە.
ەسكە سالا كەتسەك, 27 قازاندا ساباقتان تىس ۋاقىتتا نازارباەۆ زيياتكەرلٸك مەكتەبٸنٸڭ سەگٸزٸنشٸ سىنىپ وقۋشىسىنا قاتىستى قايعىلى جاعداي بولدى.
بوستاندىق اۋداندىق پوليتسييا باسقارماسى ٸستٸ قر قك-نٸڭ 105-بابى «ٶز-ٶزٸنە قول جۇمساۋعا جەتكٸزۋ» بويىنشا سوتقا دەيٸنگٸ تەرگەپ-تەكسەرۋدٸڭ بٸرىڭعاي تٸزٸلٸمٸنە تٸركەدٸ.
كەيٸن سۋيتسيد جاساعان وقۋشىنىڭ اتا-اناسى مەكتەپ باسشىلىعىنا, كۋراتور مەن پسيحولوگقا ەشقانداي شاعىمدارى جوق ەكەنٸن مەلٸم ەتتٸ.
