الماتىدا اربات الاڭىندا پوليتسييا قىزمەتكەرلەرٸ بۇزاقىنى ۇستادى, دەپ حابارلايدى "ۇلت اقپارات".
بۇل ۆيدەو ەلەۋمەتتٸك جەلٸدە تارالعان بولاتىن. بەينەكادردا پوليتسييا قىزمەتكەرلەرٸ قارسىلاسقان ەر ادامنىڭ قولىن بۇراپ جاتىر.
قالالىق پد حابارلاۋىنشا, وقيعا اربات الاڭىندا كەشكٸ 19:00 شاماسىندا بولعان.
«سول جەردە قىزمەتٸن ٶتەپ جٷرگەن پوليتسييا قىزمەتكەرلەرٸنە تۇرعىندار كٶشەدە ماس ادامنىڭ مازالارىن العاندارىن ايتىپ, شاعىمدانعان. تەرتٸپ ساقشىسى باستاپقىدا وعان اۋىزشا ەسكەرتۋ جاساعان. الايدا دٶرەكٸلٸك تانىتقان سوڭ, پوليتسييا قىزمەتكەرلەرٸ ونى ۇستاپ باسقارماعا اپارماق بولعان. سول كەزدە ەر ادام پوليتسەيلەردٸڭ بٸرٸنٸڭ بەتٸنەن ۇرعان», - دەدٸ پوليتسييا دەپارتامەنتٸنەن.
قر قك 380-بابىنىڭ 1-بٶلٸمٸمەن سوتقا دەيٸنگٸ تەرگەۋ ٸسٸ تٸركەلدٸ. تەرتٸپ بۇزۋشى ۋاقىتشا وقشاۋلاۋ ورنىنا قامالدى.
ول بۇعان دەيٸن توناۋشىلىق بويىنشا بٸرنەشە رەت قىلمىستىق جاۋاپكەرشٸلٸككە تارتىلعان 25 جاستاعى الماتى وبلىسىنىڭ تۇرعىنى بولىپ شىقتى.
