قىزمەتكەرلەر ەشقانداي قارسىلىق كٶرسەتپەستەن الماتى جەنە جامبىل وبلىستارىنىڭ پوليتسييا دەپارتامەنتتەرٸنٸڭ عيماراتتارىن قارۋ-جاراق, وق-دەرٸمەن بٸرگە تاستاپ كەتكەن. بۇل تۋرالى قر باس پروكۋراتۋراسى ارنايى پروكۋرورلار قىزمەتٸنٸڭ باستىعى ريزابەك وجاروۆ ايتتى, دەپ حابارلايدى قازاقپارات.
«ٶكٸنٸشكە وراي, مەملەكەتتٸڭ جەنە قوعام قاۋٸپسٸزدٸگٸنٸڭ مٷددەسٸنە قايشى ٸس-ەرەكەت ورىن الدى. قىزمەتكەرلەر ەشقانداي قارسىلىق كٶرسەتپەستەن الماتى جەنە جامبىل وبلىستارىنىڭ پوليتسييا دەپارتامەنتتەرٸنٸڭ عيماراتتارىن قارۋ-جاراق, وق-دەرٸمەن بٸرگە تاستاپ كەتكەن», - دەدٸ ريزابەك وجاروۆ ورتالىق كوممۋنيكاتسييالار قىزمەتٸندەگٸ بريفينگ بارىسىندا.
ونىڭ اتاپ ٶتۋٸنشە, وسىنىڭ سالدارىنان بٷلٸكشٸلەر 1,5 مىڭنان استام ٷلكەن ارسەنالعا يە بولعان.
«ولاردىڭ ٸشٸندە گراناتومەت, پۋلەمەت, اۆتومات, تاپانشالار مەن گراناتالار بار. مۇنىڭ بارلىعى – اڭشىلىق دٷكەندەردەن ۇرلانعان قارۋلاردى ەسەپتەمەگەندە. ەزٸرگە 967 دانا قارۋ تابىلدى, قالعاندارىنىڭ قايدا ەكەنٸ ەلٸ دە بەلگٸسٸز. پوليتسييا ولاردى ٸزدەۋدە», - دەدٸ باس پروكۋراتۋرا ٶكٸلٸ.
