تٷركٸستانداعى №15 مەكتەپتٸڭ مۇعالٸمٸن «ەجەتحانا كٷزەتپەگەنٸ ٷشٸن» ۇستاپ ەكەتكەن قالالىق پوليتسييا باسقارماسىنىڭ باستىعى دانييار مەيٸرحان ۇستازدان كەشٸرٸم سۇرادى, دەپ حابارلايدى "ۇلت اقپارات".
بۇل جٶنٸندە قالا ەكٸمٸ راشيد ايۋپوۆ ٶزٸنٸڭ Facebook پاراقشاسىندا جازدى.
«تٷركٸستانداعى №15 مەكتەپتە ورىن العان جاعداي بارشامىزدى الاڭداتتى. بۇل جاعدايدى ٶز باقىلاۋىما الىپ, مەن-جايىن انىقتادىق. كەلەڭسٸز جاعدايلار ورىن الىپ جاتادى. بٸراق, ۇستازدىڭ ورنى بٶلەك, ەردايىم بەدەلٸ بيٸك. بالالارعا بٸلٸم بەرەتٸن جاندار قاشان دا بٸزدٸڭ قولداۋىمىز بەن قامقورىمىزعا جٷگٸنە الاتىنىنا سەنٸمدٸ بولۋى تيٸس. قالالىق ٸشكٸ ٸستەر بٶلٸمٸنٸڭ باستىعىمەن بٸرگە ۇستاز الدىنا باردىق. ۇستاز ٷيٸندە پوليتسييا باسشىسى كەشٸرٸم سۇرادى, ۇستاز كەشٸرٸمٸن بەردٸ. مۇنداي جاعدايلار قايتالانباس ٷشٸن بارلىق شارالار جاسالاتىنىن حابارلايمىز» دەپ جازدى شاھار باسشىسى.
ەسكە سالا كەتەيٸك, تٷركٸستاندا ماعجان جۇماباەۆ اتىنداعى №15 ورتا مەكتەپتٸڭ مۇعالٸمٸ باقىت كەۋكەنوۆ «ەجەتحانا كٷزەتپەگەنٸ ٷشٸن» جازىقتى بولعان ەدٸ. 31 جىلدىق ٶتٸلٸ بار ۇستازدى قالالىق ٸشكٸ ٸستەر باسقارماسىنىڭ باستىعى, پوليتسييا پودپولكوۆنيگٸ دانييار مەيٸرحان باستاعان بٸر توپ پوليتسەي ۇستاپ ەكەتكەن.
مەكتەپ ديرەكتورى ك. ەبدٸقادىروۆانىڭ جازۋىنشا, مۇعالٸم اياق كيٸمٸنەن سۋ ٶتكەن سوڭ سونى اۋىستىرۋ ٷشٸن مەكتەپ عيماراتىنا كٸرگەن. الايدا پوليتسەيلەر قارسىلىق كٶرسەتكەنٸنە قاراماستان ۇستازدىڭ قولىن قايىرىپ, بٶلٸمشەگە ەكەتٸپ قالعان. بۇل جاعدايدى سول جەردەن ٶتٸپ بارا جاتقان ۇستازدار مەن وقۋشىلار كٶرگەن. پوليتسييا بولعان وقيعا بويىنشا ارنايى حاتتاما تولتىرىپ, ايىپپۇل رەسٸمدەپ, تٶلەتكەن.
كەيٸن بۇل جاعدايدى ەستٸگەن بٸلٸم جەنە عىلىم مينيسترٸ اسحات ايماعامبەتوۆ مۇعالٸمگە اراشا تٷستٸ.
