ميننەاپوليستە پوليتسەيلەر ۇستاۋ كەزٸندە قازا تاپقان دجوردج فلويد كوروناۆيرۋسپەن اۋىرعان. مۇنى افرو-امەريكالىق وتباسى جٷرگٸزگەن تەۋەلسٸز سوت-مەديتسينالىق ساراپتامانىڭ نەتيجەلەرٸ كٶرسەتتٸ, دەپ حابارلايدى "ۇلت اقپارات" Life shot Telegram-كانالىنا سٸلتەمە جاساپ.
مەيٸتتٸ اشىپ قاراۋ سيمپتومسىز اۋرۋى ونىڭ ٶلٸمٸنە سەبەپ بولا الماعانىن كٶرسەتتٸ. دەرٸگەردٸڭ قورىتىندىسىندا دجوردج مويىن مەن ارقاسىنا تٷسكەن قىسىمنان تۇنشىعىپ قايتىس بولعانى ايتىلعان.
اقش قالالارىندا ميننەاپوليستەگٸ پوليتسييا قولىنان كٶز جۇمعان افرو-امەريكالىق دجوردج فلويدتىڭ ٶلٸمٸنەن كەيٸن نارازىلىقتار مەن تولقۋلار باستالدى. ينتەرنەتتە پوليتسەيلەر فلويدقا قولىنا كٸسەن سالىپ, ٷشەۋٸ وعان جابىلىپ, دجوردجىڭ موينىنا تٸزەسٸن قويعانى تٷسكەن ۆيدەولار پايدا بولدى. ۆيدەودا فلويد بٸرنەشە رەت دەم الا الماي, تۇنشىعىپ بارا جاتقانىن بٸرنەشە رەت ايتقان. ول رەانيماتسييادا قايتىس بولدى. تەرتٸپسٸزدٸك باستالعاننان كەيٸن تٶرت پوليتسييا قىزمەتكەرٸ جۇمىستان بوساتىلدى, ال ولاردىڭ بٸرەۋٸنە كٸسٸ ٶلتٸردٸ دەگەن ايىپ تاعىلدى.
