Minneapoliste politseiler ustaý kezinde qaza tapqan Djordj Floid koronavirýspen aýyrǵan. Muny afro-amerikalyq otbasy júrgizgen táýelsiz sot-meditsinalyq saraptamanyń nátijeleri kórsetti, dep habarlaidy "Ult aqparat" Life shot Telegram-kanalyna silteme jasap.
Máiitti ashyp qaraý simptomsyz aýrýy onyń ólimine sebep bola almaǵanyn kórsetti. Dárigerdiń qorytyndysynda Djordj moiyn men arqasyna túsken qysymnan tunshyǵyp qaitys bolǵany aitylǵan.
AQSh qalalarynda Minneapolistegi politsiia qolynan kóz jumǵan afro-amerikalyq Djordj Floidtyń óliminen keiin narazylyqtar men tolqýlar bastaldy. Internette politseiler Floidqa qolyna kisen salyp, úsheýi oǵan jabylyp, Djordjyń moinyna tizesin qoiǵany túsken videolar paida boldy. Videoda Floid birneshe ret dem ala almai, tunshyǵyp bara jatqanyn birneshe ret aitqan. Ol reanimatsiiada qaitys boldy. Tártipsizdik bastalǵannan keiin tórt politsiia qyzmetkeri jumystan bosatyldy, al olardyń bireýine kisi óltirdi degen aiyp taǵyldy.
