پوليتسييا كٷنٸنە وراي الماتى وبلىسى پد جەرگٸلٸكتٸ پوليتسييا قىزمەتٸ باسقارماسىندا تيٸستٸ قورىتىندىلار جاسالىپ, تابيعات قورعاۋ باعىتىندا ٷزدٸك پوليتسەي انىقتالدى, دەپ حابارلايدى قازاقپارات.
اتاپ ايتقاندا, ٷزدٸكتەر قاتارىنان الماتى وبلىسى پد تابيعات قورعاۋ پوليتسيياسى توبىنىڭ ينسپەكتورى باعلان قاناشۇلى رىمجانوۆ كٶرٸندٸ.
«بالا كەزٸمنەن ەسكەري سالادا قىزمەت ەتۋدٸ ارماندادىم. وسىعان بايلانىستى ساباعىمدى جاقسى وقىپ, سپورتپەن شۇعىلداندىم. بٸزدٸڭ ەۋلەتتەگٸ ەر ادامداردىڭ كٶبٸسٸ پوگون تاقتى. اتام ميليتسييادا قىزمەت ەتكەن, ەكەم قاناش رىمجانوۆ ۋچاسكەلٸك ينسپەكتور قىزمەتٸن اتقاردى. ايتا كەتەيٸن, ەكەم قاراتال اۋدانىنىڭ قۇرمەتتٸ ازاماتى اتاعىنا لايىقتى بولدى. قۇقىق قورعاۋشى بولۋىما قىلمىستىق ٸزدەستٸرۋ سالاسىندا بەلگٸلٸ ادام, اعامىز تالاپ قادىرباەۆ كٶبٸرەك ىقپال ەتتٸ. ول كٸسٸنٸ ٷلگٸ تۇتتىم. سوندىقتان بٸزدٸڭ ەۋلەتتە وسى سالادا قىزمەت ەتۋ دەستٷرلٸ تٷردە جالعاسىپ كەلەدٸ», - دەدٸ باعلان رىمجانوۆ.
ايتا كەتەيٸك, ب. رىمجانوۆتىڭ ەكٸ جوعارى بٸلٸمٸ بار. ٷيلەنگەن, ەكٸ بالانى تەربيەلەپ وتىر.
پوليتسييا كاپيتانى رىمجانوۆ تابيعات قورعاۋ سالاسىندا جاقسى كٶرسەتكٸشتەردٸ كٶرسەتٸپ كەلەدٸ. ٶتكەن جىلى جەكە ٸزگە تٷسۋ ارقىلى قىلمىستىق قۇقىق بۇزۋدىڭ جەتٸ فاكتٸسٸن انىقتادى. 2020 جىلى دا ول ەلەۋلٸ ٸستەرمەن كٶزگە كٶرٸندٸ.
ونىڭ جەتەكشٸلٸگٸمەن وبلىستىڭ تابيعات قورعاۋ پوليتسيياسى بيىلعى 5 ايدا 515 تەرتٸپ بۇزۋ جاعدايىن انىقتاپ, ونىڭ 60-ى بويىنشا قىلمىستىق ٸس قوزعالدى, قالعان 455-ٸ ەكٸمشٸلٸك قۇقىق بۇزۋ ساناتىنا جاتقىزىلدى.
باعلان قاناشۇلىنىڭ اتاپ ٶتۋٸنشە, تابيعاتتى قورعاۋ – ٷلكەن جاۋاپكەرشٸلٸكتٸ تالاپ ەتەدٸ.
