اتىراۋ – اقتٶبە باعىتىنداعى جولاۋشىلار پويىزىندا جولاۋشىنىڭ قايتىس بولۋىنا بايلانىستى «جولاۋشىلار تاسىمالى» اق رەسمي تٷسٸنٸكتەمە بەردٸ, دەپ حابارلايدى ult.kz.
كومپانييانىڭ مەلٸمەتٸنشە, قايعىلى وقيعا 13 شٸلدە كٷنٸ №691/692 اتىراۋ – اقتٶبە باعىتىنداعى پويىزدىڭ قاندىاعاش – اقتٶبە ۋچاسكەسٸندە بولعان.
پويىز باستىعىنىڭ راپورتىنا سەيكەس, كٶز جۇمعان ازامات پويىزعا جول جٷرۋ بيلەتٸنسٸز وتىرعان. ونى ۆاگونداردىڭ بٸرٸنٸڭ جولسەرٸگٸ مٸنگٸزگەن. جول ٷستٸندە جولاۋشىنىڭ جاعدايى كٷرت ناشارلاپ, ول قايتىس بولعان. كومپانييانىڭ الدىن الا دەرەگٸنە سەيكەس, ٶلٸمگە گيپەرتونييالىق كريز سەبەپ بولۋى مٷمكٸن.
«جولاۋشىلار تاسىمالى» اق جولاۋشى وتىرعان ۆاگوندا اۋا باپتاۋ جٷيەسٸ شتاتتىق رەجيمدە جۇمىس ٸستەگەنٸن, تەمپەراتۋرالىق رەجيمنٸڭ قالىپتى بولعانىن مەلٸمدەدٸ. اتالعان ۆاگون 2023 جىلى شىعارىلعان.
پويىز اقتٶبە ستانتسيياسىنا جەتكەننەن كەيٸن مارقۇمنىڭ مەيٸتٸ ۋەكٸلەتتٸ ورگاندارعا تاپسىرىلدى.
وقيعادان كەيٸن «جولاۋشىلار تاسىمالى» اق-نىڭ «باتىس» فيليالىندا قىزمەتتٸك تەرگەۋ جٷرگٸزٸلدٸ. ونىڭ قورىتىندىسى بويىنشا ەكٸ جولسەرٸك پەن پويىز باستىعى جۇمىستان بوساتىلدى. سونىمەن قاتار اقتٶبە تەلٸمٸنٸڭ باستىعى مەن ٶندٸرٸستٸك وقىتۋ جٶنٸندەگٸ نۇسقاۋشىعا قاتاڭ سٶگٸس جارييالاندى.
كومپانييا مەلٸمەتٸنشە, «باتىس» فيليالىنىڭ باسشىلىق قۇرامىنا قاتىستى دا ەڭبەك شارتىن بۇزۋعا دەيٸنگٸ قاتاڭ تەرتٸپتٸك شارالار قابىلدانادى.
ال كٶلٸكتەگٸ پوليتسييا دەپارتامەنتٸ اتالعان فاكتٸ بويىنشا قىلمىستىق ٸس قوزعاعانىن حابارلادى. ۆەدومستۆونىڭ الدىن الا مەلٸمەتٸنە سەيكەس, مارقۇمعا قويىلعان باستاپقى دياگنوز – ەكٸ جاقتى پنەۆمونييا. قازٸرگٸ ۋاقىتتا وقيعانىڭ بارلىق مەن-جايى انىقتالىپ جاتىر.
