ەلەۋمەتتٸك جەلٸلەردە قازاقستاندىقتار پويىز بيلەتتەرٸنە قاتىستى جاڭا ٶزگەرٸستٸ قىزۋ تالقىلاۋدا. جولاۋشىلاردىڭ ايتۋىنشا, ەندٸ كٶپتەگەن باعىتتاردا تٶمەنگٸ ورىنداردىڭ باعاسى جوعارعى ورىندارعا قاراعاندا قىمبات بولىپ كٶرسەتٸلەدٸ, دەپ حابارلايدى ult.kz.
Threads جەنە باسقا دا ەلەۋمەتتٸك جەلٸلەردە جارييالانعان جازبالاردا تۇرعىندار بۇل ٶزگەرٸسكە نارازىلىق بٸلدٸرۋدە. ولاردىڭ سٶزٸنشە, بۇرىن جوعارعى جەنە تٶمەنگٸ ورىنداردىڭ باعاسى بٸردەي بولسا, ەندٸ تٶمەنگٸ ورىن ٷشٸن بٸرنەشە مىڭ تەڭگە ارتىق تٶلەۋگە تۋرا كەلەدٸ.
الايدا بۇل جاڭاشىلدىقتى قولدايتىندار دا بار. كەيبٸر جەلٸ قولدانۋشىلارى تٶمەنگٸ ورىنعا كٶبٸرەك اقشا تٶلەگەن جولاۋشىنىڭ ٶز ورنىن باسقا ادامعا, ەسٸرەسە جول ٷستٸندە اۋىستىرۋدى سۇرايتىندارعا بەرمەۋگە تولىق قۇقىعى بولۋى كەرەك دەگەن پٸكٸردە.
«ەندٸ تٶمەنگٸ ورىندى قىمباتقا ساتىپ العان ادامنان “ەجەمە بەرٸڭٸزشٸ”, “اۋىسىپ جٸبەرٸڭٸزشٸ” دەپ سۇرايتىندار ازايادى», - دەپ جازدى جەلٸ قولدانۋشىلارىنىڭ بٸرٸ.
تاعى بٸر بٶلٸگٸ مۇنداي تەسٸل تٶمەنگٸ ورىندارعا سۇرانىستى رەتتەۋگە مٷمكٸندٸك بەرەدٸ دەپ ەسەپتەسە, ەندٸ بٸرٸ الدىمەن جولاۋشىلار ۆاگوندارىنىڭ جاعدايىن جاقسارتىپ, سودان كەيٸن عانا باعا ساياساتىن ٶزگەرتۋ كەرەك دەگەن پٸكٸر بٸلدٸردٸ.
ەزٸرگە «قازاقستان تەمٸر جولى» بۇل مەسەلەگە قاتىستى رەسمي تٷسٸنٸكتەمە بەرگەن جوق.
