18-19 قاراشادا قازاقستاننىڭ رۋمىنيياداعى تٶتەنشە جەنە ٶكٸلەتتٸ ەلشٸسٸ نۇرباح رٷستەموۆ دولج وبلىسىنا جۇمىس ساپارىمەن باردى. ساپار اياسىندا قازاقستاندىق ديپلومات وبلىس جەنە كرايوۆا قالاسىنىڭ باسشىلىعىمەن كەزدەستٸ, دەپ حابارلايدى "ۇلت اقپارات".
ەلشٸلٸكتٸڭ مەلٸمەتٸنشە, نۇرباح رٷستەموۆ دولج وبلىسى جەرگٸلٸكتٸ كەڭەسٸنٸڭ پرەزيدەنتٸ كوسمين ۆاسيلەمەن جەنە پرەفەكت نيكۋشور روشكامەن كەزدەسۋدە ٶڭٸرلٸك ىنتىماقتاستىقتى جانداندىرۋدىڭ جەنە قازاقستان ٶڭٸرلەرٸنٸڭ بٸرٸمەن باۋىرلاستىق بايلانىس ورناتۋدىڭ جاڭا جولدارىن تالقىلاعان.
كەلٸسسٶز بارىسىندا ساۋدا-ەكونوميكالىق جەنە مەدەني-گۋمانيتارلىق ەرٸپتەستٸكتٸ دامىتۋعا باستى نازار اۋدارىلدى.
سونىمەن قاتار, كرايوۆا قالاسىنىڭ مەرٸ لييا ولگۋتس ۆاسيلەسكۋمەن كەزدەسۋدە ساۋدا, بٸلٸم جەنە مەدەنيەت سالالارىنداعى ٶڭٸرلٸك ىنتىماقتاستىقتى دامىتۋ پەرسپەكتيۆالارى قاراستىرىلدى.
ميحاي ەمينەسكۋ اتىنداعى حالىقارالىق اكادەمييا پرەزيدەنتٸ يوان دياكونەسكۋمەن كەزدەسۋ بارىسىندا قازاقستاندىق ديپلومات رۋمىن تاراپىنىڭ ەكٸ ەل اراسىنداعى مەدەني ىنتىماقتاستىقتى نىعايتۋ جٶنٸندەگٸ باستامالارىن قولدايتىنىن اتاپ ٶتٸپ, ودان ەرٸ جەمٸستٸ ٶزارا ٸس-قيمىلعا سەنٸم بٸلدٸردٸ.
2021 جىلعا ارنالعان ٸس-شارالار كەستەسٸ اياسىندا «اباي-ميحاي ەمينەسكۋ» حالىقارالىق پوەزييا فەستيۆالٸن ٶتكٸزۋ, نۇر-سۇلتاندا ميحاي ەمينەسكۋ بيۋستٸن ورناتۋ, سونداي-اق قازاقستاندا ميحاي ەمينەسكۋ پوەمالارىن اۋدارۋ جەنە جارييالاۋ جوسپارلانىپ وتىر.
جۇمىس ساپارىنىڭ ماڭىزدى پۋنكتٸ - ساۋدا-ٶنەركەسٸپ پالاتاسى مەن ٶڭٸرلٸك بيزنەس قوعامداستىق (Ade Gas, Topges Proiect جەنە باسقا) ٶكٸلدەرٸنٸڭ قاتىسۋىمەن «Invest in Kazakhstan» دٶڭگەلەك ٷستەلٸن ٶتكٸزۋ بولدى.
ٸس-شارا بارىسىندا ەلشٸ پەرسپەكتيۆالىق ينۆەستيتسييالىق جوبالار مەن احقو قىزمەتٸن تانىستىرىپ, قازاقستان ەكونوميكاسىنىڭ باسىم سەكتورلارى تۋرالى حاباردار ەتتٸ.
سونىمەن قاتار, ەكٸجاقتى ساۋدا-ەكونوميكالىق بايلانىستاردى نىعايتۋ مٷمكٸندٸكتەرٸن جانداندىرۋ جٶنٸندە پٸكٸر الماسىلدى.
وسىلايشا, كەسٸپكەرلەردٸڭ ەكٸجاقتى ساپارلارىن ۇيىمداستىرۋ جەنە 2021 جىلى قازاقستان-رۋمىنييا بيزنەس-فورۋمىن ٶتكٸزۋ جٶنٸندە ۋاعدالاستىق جاسالدى.
سونداي-اق, كرايوۆا قالاسىنداعى يندۋستريالدى پاركٸن ارالاۋ بارىسىندا باس ديرەكتور يونۋتس-كوسمين پىرۆۋلەسكۋ پاركتٸڭ قىزمەتٸمەن تانىستىرىپ, وتاندىق جەنە شەتەلدٸك كومپانييالارىنا جاسالعان قولايلى جۇمىس جاعدايى تۋرالى حابارلادى (قازٸرگٸ ۋاقىتتا 48 كەسٸپورىن تابىستى جۇمىس ٸستەۋدە).
ٶز كەزەگٸندە ەلشٸ وسىنداي يندۋسترييالىق پاركتەردٸ قۇرۋدىڭ جەنە ولاردىڭ جۇمىس ٸستەۋٸنٸڭ قازاقستاندىق تەجٸريبەسٸ تۋرالى ايتىپ بەردٸ.
ايتا كەتەيٸك, دولج وبلىسى رۋمىنييانىڭ ولتەنييا تاريحي ايماعىنىڭ وڭتٷستٸك-باتىسىندا ورنالاسقان. حالىق سانى - 750 مىڭ ادام.
ەكونوميكانىڭ نەگٸزگٸ سەكتورلارى - اۋىل شارۋاشىلىعى, اۋىر ٶنەركەسٸپ, توقىما, مەحانيكالىق بٶلشەكتەر مەن جيناقتاۋىشتاردى دايىنداۋ جەنە باسقالار.
