فوتو: اشىق دەرەككٶز
قازاقستان رەسپۋبليكاسىنىڭ قارجىلىق مونيتورينگ اگەنتتٸگٸ زاڭسىز ويىن بيزنەسٸن ۇيىمداستىرۋ دەرەگٸ بويىنشا ەكٸ شەتەل ازاماتىن ٸزدەۋگە جارييالادى, دەپ حابارلايدى Ult.kz.
سوتتىڭ سانكتسيياسىمەن اتالعان تۇلعالارعا قاتىستى سىرتتاي «قاماۋدا ۇستاۋ» تٷرٸندەگٸ بۇلتارتپاۋ شاراسى قولدانىلدى.
ٸزدەۋگە جارييالانعاندار — 1970 جىلعى 27 ماۋسىمدا تۋعان, اقش ازاماتى دميترى درۋجينسكى جەنە 1985 جىلعى 8 قاراشادا تۋعان, ۋكراينا ازاماتى مارينا لەۆكوۆيچ (گينزبۋرگ). ولار قازاقستان رەسپۋبليكاسىنىڭ اۋماعىندا زاڭسىز ويىن بيزنەسٸن ۇيىمداستىردى دەگەن كٷدٸككە ٸلٸنگەن.
تەرگەۋ بارىسىندا «PIN-UP» جەنە «PINCO» برەندتەرٸمەن جۇمىس ٸستەگەن ونلاين-كازينو قىزمەتٸن شەتەلدەن باسقارعان ادامدار توبى انىقتالعان. اتالعان تۇلعالار بايلانىسى بار كومپانييالار جەلٸسٸ ارقىلى زاڭسىز قىزمەتتٸ ۇيىمداستىرعان.
د.درۋجينسكى مەن م.لەۆكوۆيچ كوورديناتورلىق فۋنكتسييالاردى اتقارىپ, سىبايلاستاردى ٸرٸكتەۋمەن, تٶلەم ۇيىمدارى مەن ەكٸنشٸ دەڭگەيلٸ بانكتەردٸڭ ٶكٸلدەرٸمەن ٶزارا ەرەكەتتەسۋمەن, سونداي-اق اقشا قابىلداۋ جەنە شىعارۋ پروتسەستەرٸن قامتاماسىز ەتكەن تٶلەم ينفراقۇرىلىمىن قۇرۋعا قاتىسقان.
زاڭسىز قىزمەتتٸ بٷركەمەلەۋ ماقساتىندا «PIN-UP.KZ» برەندٸمەن بۋكمەكەرلٸك قىزمەتتٸ جٷزەگە اسىرۋعا مەملەكەتتٸك ليتسەنزييا العان «بونامي» جشس قۇرىلعانى بەلگٸلٸ بولدى. سونىمەن قاتار قارجىلىق سٷيەمەلدەۋ ٷشٸن ونلاين-كازينونىڭ تٶلەم اگرەگاتورلارى قىزمەتٸن اتقارعان «Gold Pay» جشس مەن «Cyber Pay» جشس (كەيٸننەن — «Pinnacle Financial Solutions» جشس) سەكٸلدٸ تٶلەم ۇيىمدارىنىڭ جەلٸسٸ تٸركەلگەن.
ونلاين-كازينو كليەنتتەرٸنەن تٷسكەن قاراجات ترانزيتتٸك شوتتاردا جيناقتالىپ, كەيٸن ەلەكتروندىق اقشا وپەراتسييالارىنا ليتسەنزيياسى بار بايلانىستى كومپانييالار ارقىلى كريپتوۆاليۋتاعا ايىرباستالعان.
قارجىلىق مونيتورينگ اگەنتتٸگٸ ٸزدەۋدە جٷرگەن تۇلعالاردىڭ ورنالاسقان جەرٸ تۋرالى قانداي دا بٸر اقپارات بولعان جاعدايدا, قۇقىق قورعاۋ ورگاندارىنا حابارلاۋعا شاقىردى.
