«تۇرعىنٷيقۇرىلىسجيناقبانكٸنٸڭ» ەلٸمٸزدٸڭ ٶڭٸرلەرٸندە پيار شارالار ٶتكٸزۋگە قوماقتى قارجى بٶلۋٸنٸڭ زاڭدىلىعى تەكسەرٸلەدٸ. بۇل تۋرالى قر قارجى مينيسترلٸگٸ مەملەكەتتٸك ساتىپ الۋلار زاڭناماسى دەپارتامەنتٸنٸڭ ديرەكتورى سەبيت احمەتوۆ ايتتى, دەپ حابارلايدى "ۇلت اقپارات".
ورتالىق كوممۋنيكاتسييالار قىزمەتٸندەگٸ باسپاسٶز مەسليحاتىندا باق ٶكٸلدەرٸ سەبيت احمەتوۆتەن: «20 شٸلدەدە «تۇرعىنٷيقۇرىلىسجيناقبانكٸ» ٶڭٸرلەردە پيار شارالار ٶتكٸزۋ ٷشٸن شامامەن 15 ملن تەڭگەگە جەتكٸزۋشٸلەردەن ٶتٸنٸم قابىلداۋدى باستادى. دەگەنمەن, مەملەكەت باسشىسى مۇنداي شارالارعا موراتوريي ەنگٸزۋدٸ تاپسىرعان ەدٸ. سوندىقتان بۇل قانشالىقتى دۇرىس?», - دەپ سۇراعان ەدٸ.
وسى ورايدا دەپارتامەنت ديرەكتورى بۇل ساۋالعا جاۋابى جوق ەكەندٸگٸن جاسىرماي, الداعى ۋاقىتتا تەكسەرۋ جٷرگٸزٸپ, نەتيجەسٸن جارييالاۋعا ۋەدە بەردٸ.
«ورتالىق كوممۋنيكاتسييالار قىزمەتٸندە سٶز سٶيلەر الدىندا بۇل ساۋالدى العان ەدٸم. دەل قازٸر وعان مەنٸڭ ەش جاۋابىم جوق. دەگەنمەن, بٸز بۇل جاعدايدى قاراستىرۋعا دايىنبىز جەنە تەكسەرۋ نەتيجەلەرٸ تۋرالى حابارلايتىن بولامىز«, - دەدٸ ول.
