قازاقستان ساتىپ الاتىن Pfizer ۆاكتسيناسىنىڭ قۇنىن ٶندٸرۋشٸ كومپانييا جارييا ەتۋگە رۇقسات بەرمەدٸ. بۇل تۋرالى قر دەنساۋلىق ساقتاۋ مينيسترٸ الەكسەي تسوي ايتتى, دەپ حابارلايدى قازاقپارات.
«بۇعان دەيٸن ايتقانىمداي, قازان مەن قاراشا ايىندا كٷتٸپ وتىرمىز. بارلىعى Pfizer كومپانيياسىنىڭ جەتكٸلٸزٸمٸنە بايلانىستى. باعاسىنا قاتىستى ايتار بولسام, قازٸرگٸ ۋاقىتتا Pfizer كومپانيياسىنان مەلٸمەتتەردٸ جارييا ەتپەۋ تۋرالى حات الدىق. سوندىقتان دا بۇل مەسەلە بويىنشا Pfizer كومپانيياسىنا جٷگٸنۋ قاجەت. ەگەر ولار دەرەكتەردٸ جارييا ەتۋگە رۇقسات بەرسە, وندا جارييا ەتەمٸز. ولاي بولماعان جاعدايدا, كەلٸسٸمشارت شارتى بۇزىلىپ, ۆاكتسينانى جەتكٸزۋ مەرزٸمٸ دە ساقتالماۋى مٷمكٸن. سوندىقتان كەز كەلگەن كومپانييامەن جۇمىس بارىسىندا كەلٸسٸمشارتتى ساقتاۋعا تيٸسپٸز», - دەدٸ مينيستر.
الەكسەي تسويدىڭ ايتۋىنشا, Pfizer كومپانيياسى قازاقستان ۆاكتسينانى قانشا سوماعا ساتىپ الاتىندىعىن جارييالاۋعا رۇقسات بەرمەي وتىر.
«بٸز جەكە سۇرانىس تا جٸبەردٸك. ونى جارييا ەتكٸمٸز دە كەلگەن. بٸراق, قازٸرگٸ ۋاقىتتا كومپانييا بٸزگە بۇلاي جاساۋعا تىيىم سالىپ وتىر. كومپانييا بۇل مەسەلەنٸ تاعى قاراستىرادى دەپ ويلايمىز. بٷگٸن مەلٸمەتتەردٸ جارييا ەتۋگە قاتىستى تاعى دا كەلٸسسٶز جٷرگٸزدٸك. دەگەنمەن, قازٸرگٸ ۋاقىتتا بٸزدە شەكتەۋ تۇر. سوندىقتان قالاي مٷمكٸندٸك تۋىندايدى, بٸردەن جارييا ەتەمٸز. جالپى, ٶزگە ەلدەردەگٸ باعامەن بٸردەي. بۇل, كومپانييانىڭ باعا ساياساتى», - دەدٸ الەكسەي تسوي.
