Pfizer كومپانيياسى كوروناۆيرۋسقا قارسى ۆاكتسيناسى 5-11 جاس ارالىعىنداعى بالالار ٷشٸن تيٸمدٸ ەكەنٸن مەلٸمدەدٸ. بۇل تۋرالى كومپانييانىڭ رەسمي سايتىندا جازىلعان, دەپ حابارلايدى Sputnik قازاقستان.
Pfizer كومپانيياسى جٷرگٸزگەن كلينيكالىق زەرتتەۋگە 5-11 جاس ارالىعىنداعى 2 268 بالا قاتىسقان. ولاردىڭ ٷشتەن ەكٸسٸ پرەپاراتتىڭ ەكٸ دوزاسىن الدى. كومپونەنتتەردٸ ەگۋ اراسىنداعى مەرزٸم - 21 كٷن. قالعان قاتىسۋشىلار پلاتسەبو الدى.
"10 مكگ دوزا سالىنعان قاتىسۋشىلاردىڭ يممۋندىق رەاكتسيياسى رfizer-BioNTech-تىڭ 16-25 جاس ارالىعىنداعى تۇرعىندارعا جاساعان زەرتتەۋ نەتيجەسٸمەن ۇقساس. ولارعا ۆاكتسينانىڭ 30 مكگ دوزاسى سالىنعان بولاتىن. COVID-19-عا قارسى ۆاكتسينا جاقسى قابىلداندى. جاناما ەسەرٸ 16-25 جاس ارالىعىنداعى قاتىسۋشىلارمەن بٸردەي", - دەپ جازادى ريا نوۆوستي كومپانييا مەلٸمدەمەسٸنە سٸلتەمە جاساپ.
كومپانييا زەرتتەۋ نەتيجەسٸن ازىق-تٷلٸك ٶنٸمدەرٸ ساپاسىن سانيتارلىق باقىلاۋ باسقارماسى (FDA) مەن دەرٸ-دەرمەك جٶنٸندەگٸ ەۋروپالىق اگەنتتٸككە (EMA) ۇسىنادى. ولاردان ەكپەنٸ بالالارعا قولدانۋعا رۇقسات الۋ كٶزدەلٸپ وتىر.
جىل سوڭىنا دەيٸن 6 ايدان اسقان بالالارعا ارنالعان ۆاكتسينانى زەرتتەۋ قورىتىندىسى جارييالانادى.
قازاقستاننىڭ دەنساۋلىق مينيسترلٸگٸ بالالارعا ەكپە تەك اتا-انا رۇقساتىمەن سالىناتىنىن حابارلاعان بولاتىن. اياعى اۋىر ەيەلدەردەن دە رۇقسات الىنادى. سونداي-اق, بۇل تٸزٸمگە بالا ەمٸزەتٸن ەيەلدەردٸ قوسۋ جوسپارلانىپ وتىر.
