Pfizer kompaniiasy koronavirýsqa qarsy vaktsinasy 5-11 jas aralyǵyndaǵy balalar úshin tiimdi ekenin málimdedi. Bul týraly kompaniianyń resmi saitynda jazylǵan, dep habarlaidy Sputnik Qazaqstan.
Pfizer kompaniiasy júrgizgen klinikalyq zertteýge 5-11 jas aralyǵyndaǵy 2 268 bala qatysqan. Olardyń úshten ekisi preparattyń eki dozasyn aldy. Komponentterdi egý arasyndaǵy merzim - 21 kún. Qalǵan qatysýshylar platsebo aldy.
"10 mkg doza salynǵan qatysýshylardyń immýndyq reaktsiiasy Rfizer-BioNTech-tyń 16-25 jas aralyǵyndaǵy turǵyndarǵa jasaǵan zertteý nátijesimen uqsas. Olarǵa vaktsinanyń 30 mkg dozasy salynǵan bolatyn. COVID-19-ǵa qarsy vaktsina jaqsy qabyldandy. Janama áseri 16-25 jas aralyǵyndaǵy qatysýshylarmen birdei", - dep jazady RIA Novosti kompaniia málimdemesine silteme jasap.
Kompaniia zertteý nátijesin azyq-túlik ónimderi sapasyn sanitarlyq baqylaý basqarmasy (FDA) men dári-dármek jónindegi eýropalyq agenttikke (EMA) usynady. Olardan ekpeni balalarǵa qoldanýǵa ruqsat alý kózdelip otyr.
Jyl sońyna deiin 6 aidan asqan balalarǵa arnalǵan vaktsinany zertteý qorytyndysy jariialanady.
Qazaqstannyń densaýlyq ministrligi balalarǵa ekpe tek ata-ana ruqsatymen salynatynyn habarlaǵan bolatyn. Aiaǵy aýyr áielderden de ruqsat alynady. Sondai-aq, bul tizimge bala emizetin áielderdi qosý josparlanyp otyr.
