پەتروپاۆلدا ەر ادام گاراجدار ماڭىنان مينا تاۋىپ الدى, دەپ حابارلايدى قازاقپارات.
سولتٷستٸك قازاقستان وبلىسى پوليتسييا دەپارتامەنتٸ باسپاسٶز قىزمەتٸنٸڭ مەلٸمەتٸنشە, پەتروپاۆل تۇرعىنى ميناعا ۇقساس توت باسقان كٷمەندٸ مەتالدى ٶتكەن سەنبٸ كٷنٸ كەشكە تامان جامبىل كٶشەسٸندەگٸ گاراجدار ماڭىنان تاۋىپ الدى. جارىلعىش زات سول جەردەگٸ اعاشتىڭ تٷبٸندە جاتقان. زەينەتكەر بۇل تۋرالى بٸردەن جاقىن ماڭداعى ۋچاسكەلٸك پوليتسييا پۋنكتٸنە بارىپ حابارلاعان.
وقيعا ورنىنا تابىلعان زاتتى تەكسەرۋ ٷشٸن سقو پوليتسييا دەپارتامەنتٸنٸڭ قىزمەتكەرلەرٸ مەن شۇعىل قىزمەتتەر جەتتٸ. ولار كەلگەنگە دەيٸن تٶڭٸرەك قورشاۋعا الىنىپ, قاۋٸپسٸزدٸك شارالارى جاسالدى. ماماندار سىرتىنا قاراپ, تابىلعان زاتتىڭ قاتتى كورروزيياعا ۇشىراعان تانكٸگە قارسى مينا بولۋى مٷمكٸن ەكەنٸن توپشىلاعان. تيياناقتى تەكسەرۋ مەن زەرتتەۋدەن سوڭ بولجام راستالىپ, جارعىشتەحنيك-ماماندار ونى جويۋ ٷشٸن ارنايى كٶلٸككە سالىپ الىپ كەتتٸ. كەيٸن پوليتسييا قىزمەتكەرلەرٸ 6637 ەسكەري بٶلٸمٸنٸڭ پوليگونىندا جارىلعىش زاتتى جويدى.
جارعىشتەحنيك-مامانداردىڭ ايتۋىنشا, تابىلعان زات – وقىتۋعا ارنالعان مينا. قاتتى توت باسقاندىقتان جەنە سىرتقى تاڭبالارى بولماعاندىقتان, مينانىڭ ناقتى قاي جىلى شىعارىلعانىن انىقتاۋ مٷمكٸن ەمەس.
پوليتسەيلەر بۇل زاتتاردىڭ سىرتىن توت باسىپ, شٸرٸسە دە قاۋپٸ جوعارى ەكەنٸن ەسكەرتەدٸ. ٸشٸندە جارىلعىش زات بولۋى مٷمكٸن. بۇنداي زاتتاردى تاۋىپ العان جاعدايدا بٸردەن ٸشكٸ ٸستەر ورگاندارىنا حابارلاۋ قاجەت. پوليتسييا قىزمەتكەرلەرٸ كەلگەنگە دەيٸن ونى ورنىنان قوزعاپ, قولمەن ۇستاۋعا بولمايدى.
