پەتروپاۆلدا دەمالىس كٷندەرٸ ەكٸنشٸ جىلۋ-ەلەكتر ورتالىعىندا بٸرنەشە قازاندىق ٸستەن شىعىپ, ەنەرگەتيكتەر جىلۋ بەرۋ قۋاتىن ازايتۋعا مەجبٷر بولدى, دەپ حابارلايدى قازاقپارات.
سولتٷستٸك قازاقستان وبلىسى ەكٸمدٸگٸ باسپاسٶز قىزمەتٸنٸڭ مەلٸمەتٸنشە, پەتروپاۆلداعى جىلۋ-ەلەكتر ورتالىعىندا 25 جەلتوقسان كٷنٸ ساعات 10.40 مينۋت كەتكەندە ەكٸ قازاندىق ٸستەن شىققان.
بٷگٸن تاڭەرتەڭگٸ جاعداي بويىنشا, كەسٸپورىنداعى 12 قازاندىقتىڭ التاۋى جۇمىس ٸستەپ تۇر.
بٸرەۋٸ قالپىنا كەلتٸرٸلٸپ جاتسا, ٷشەۋٸ جٶندەلۋدە, رەزەرۆتە تۇرعان تاعى ەكٸ قازاندىقتى ساعات 14.00-دە ٸسكە قوسۋعا دايىنداپ جاتىر.
وبلىس جىلۋ جەنە ەلەكتر قۋاتىنان اجىراتىلعان جوق.
بۇعان دەيٸن «سەۆكازەنەرگو» اق پەتروپاۆلداعى ەكٸنشٸ جىلۋ-ەلەكتر ورتالىعىندا اپات بولعاندىعى جايىندا ەسكەرتٸپ, پەتەرلەردە جىلۋدىڭ ازايۋى مٷمكٸن ەكەندٸگٸن ايتقان ەدٸ.
قازاندىقتار ەسكٸرگەندٸكتەن قىسىمعا شىداماي, تەسٸلگەن. اپاتتان كەسٸپورىننىڭ بٸر جۇمىسشىسى كٷيٸك الىپ, اۋىر حالدە اۋرۋحاناعا تٷستٸ.
«27 جاستاعى ەر ادامنىڭ دەنەسٸنٸڭ 40 %-ى كٷيگەن. بەتٸ, مويىنى, قولدارى, بەلٸ مەن اياقتارى ىستىق بۋعا كٷيٸپ قالعان. بٸزگە تٷسكەن كەزدە ونى تراۆماتولوگ, تەراپەۆت, انەستەزيولوگ-رەانيماتولوگ قارادى. بٸردەن جانساقتاۋ بٶلٸمشەسٸنە جاتقىزۋ تۋرالى شەشٸم قابىلداندى. قازٸر سىرقات قارقىندى تەراپييادان ٶتٸپ جاتىر. ەسٸن بٸلەدٸ, ٶزدٸگٸنەن دەمالۋدا. جاعدايى تۋرالى ايتۋعا رۇقسات بەردٸ, تيٸستٸ ەم-دومدى الىپ جاتىر», - دەيدٸ پەتروپاۆل قالالىق كٶپ سالالى اۋرۋحانانىڭ باس دەرٸگەرٸ جاننا ماۋىتوۆا.
پەتروپاۆل 2-جەو-دا بيىلدىققا تٸركەلگەن بۇل - وسىمەن ەكٸنشٸ اپات.
