پەتروپاۆلدا جەو-دا قازا تاپقان قىزمەتكەردٸڭ وتباسىنا كٶمەك كٶرسەتٸلەدٸ. بۇل تۋرالى "سەۆكازەنەرگو" كومپانيياسىنىڭ باسشىلىعى مەلٸمدەدٸ, - دەپ حابارلايدى Tengrinews.kz.
"سەۆكازەنەرگو"اق باسشىلىعى مەن ۇجىمى پەتروپاۆل جەو-2-دە قايتىس بولعان ناتاليا چەفونوۆانىڭ تۋىستارى مەن جاقىندارىنا قايعىرىپ كٶڭٸل ايتادى.
"سەۆكازەنەرگو" اق باسشىلىعى بۇل جاعداي قانشالىقتى قيىن ەكەنٸن تٷسٸنٸپ, ناتاليا چەفونوۆانىڭ وتباسىنا تۇرعىن ٷي جاعدايىن جاقسارتۋ, قايتىس بولعان قىزمەتكەردٸڭ بەس جىلدىق جالاقىسى مٶلشەرٸندە ٶتەماقى تٶلەۋ تٷرٸندە جان-جاقتى قولداۋ كٶرسەتەدٸ. سونداي-اق, ناتاليا چەفونوۆانىڭ بالاسىنىڭ بٸلٸم الۋ شىعىندارىن جابادى. جەرلەۋدٸ ۇيىمداستىرۋعا بايلانىستى بارلىق شىعىندى دا ٶز موينىنا الادى", - دەدٸ كومپانييا ٶكٸلٸ.
