پەتروپاۆلدا بيىل جاڭا جىل مەرەكەسٸنە وراي ٷش نەگٸزگٸ شىرشا بەزەندٸرٸلدٸ. ولاردى ورناتۋعا, جالپى مۇز قالاشىقتارىن سالۋعا بيۋدجەت قاراجاتى جۇمسالعان جوق, دەپ حابارلايدى قازاقپارات.
پەتروپاۆل قالاسى جاڭا جىل مەرەكەسٸنە ەسەم بەزەندٸرٸلدٸ. كەشە سالتاناتتى تٷردە باستى شىرشانىڭ شامى جاعىلىپ, مەرەكەلٸك دۋمان ٶتتٸ.
جالپى بيىل وبلىس ورتالىعىندا ٷش نەگٸزگٸ شىرشا قۇرىلدى. ولار ورتالىق الاڭدا, پەتروپاۆل ەكٸمدٸگٸنٸڭ الدىندا جەنە بەرەكە ىقشام اۋدانىندا ورنالاسقان.
پەتروپاۆل قالالىق ەكٸمدٸگٸنٸڭ مەلٸمەتٸنشە, جاڭا جىل مەرەكەسٸنە وراي شاھاردى بەزەندٸرۋگە, شىرشالاردى قۇرىپ, مۇز قالاشىقتارىن سالۋعا بيىل قازىنادان بٸر تيىن دا جۇمسالعان جوق.
مەسەلەن ورتالىق شىرشانى ورناتىپ, ەسەمدەۋمەن «اپاتتىق قىزمەت» ٶندٸرٸستٸك كووپەراتيۆٸ اينالىستى. ونىڭ بيٸكتٸگٸ 30 مەترگە جەتەدٸ.
ال ونىڭ ماڭىن جيناپ, اباتتاندىرۋمەن «كوممۋنحوز» جشس اينالىستى. مۇز قالاشىعىن سالۋعا, ونى جارىقپەن بەزەندٸرۋگە كەسٸپكەرلەر دەمەۋشٸلٸك جاسادى.
بىلتىر قالانى ەسەمدەۋگە قولدانىلعان جاڭا جىلدىق ويىنشىقتاردى جٶنگە كەلتٸرۋگە جەرگٸلٸكتٸ كوللەدجدەر كٶمەكتەستٸ.
مۇز قالاشىعى پەتروپاۆلدىڭ تٶرت اۋدانىندا – ورتالىق الاڭدا, قالالىق ەكٸمدٸك الدىنداعى الاڭدا, بەرەكە جەنە 20-شى ىقشام اۋداندارىندا سالىنىپ جاتىر.
پەتروپاۆلدا قۇرىلمالى شىرشا بيىل تٶرتٸنشٸ رەت قولدانىلىپ جاتىر. ٶتكەن جىلى دا قالانى مەرەكەگە وراي بەزەندٸرۋگە بيۋدجەتتەن قارجى بٶلٸنگەن جوق.
