پەتروپاۆلدا ٷش تۋىسىن پىشاقتاپ, تاعى ەكەۋٸنٸڭ ٶمٸرٸنە قاستاندىق جاساعان 30 جاستاعى ەر ادامعا سوت ٷكٸمٸ شىقتى, دەپ حابارلايدى "ۇلت اقپارات".
سولتٷستٸك قازاقستان وبلىسىنداعى قىلمىستىق ٸستەر بويىنشا مامانداندىرىلعان اۋدانارالىق سوت بٸر ٷيلٸ جاننىڭ قانىن موينىنا جٷكتەگەن قانٸشەرگە ٷكٸم شىعاردى. «ٶلتٸرۋ» جەنە «ٶمٸرگە قاستاندىق جاساۋ» باپتارى بويىنشا ايىپ تاعىلعان 30 جاستاعى بەكبولات عابدۋللين ٶمٸر بويىنا باس بوستاندىعىنان ايىرىلدى.
قايعىلى جاعداي ناۋرىز ايىندا پەتروپاۆلدا بولدى. تەرگەۋ مەلٸمەتتەرٸنە سەيكەس, الماتىلىق بەكبولات عابدۋللين ناۋرىزدىڭ 9-ى نۇر-سۇلتان قالاسىنان پەتروپاۆلعا تۋىستارىنىڭ ٷيٸنە قوناققا كەلەدٸ. ەر ادام ەش جەردە جۇمىس ٸستەمەگەن. قۇمار ويىنعا سالىنىپ, قارىزعا بەلشەدەن باتقان ەكەن.
«جەبٸرلەنۋشٸلەردٸڭ ايتۋىنشا, عابدۋللين ٷي ٸشٸن ارالاپ, ٷيدەگٸ قۇندى زاتتارعا قاتىستى قىزىعۋشىلىق بٸلدٸرگەن. وسىدان-اق ونىڭ تۋىستارىن توناماق بولعانى بايقالادى. ٷي يەلەرٸنە پىشاقپەن ۇمتىلعاندا دا ماعان اقشا كەرەك دەپ ايقايلاعان», - دەيدٸ ٸستٸ قاراعان سۋديا سەرگەي ۆيكتورەنكو.
ناۋرىزدىڭ 10-ى كٷنٸ عابدۋللين اراققا سىلقييا تويىپ كەلٸپ, ساعات 02.30 شاماسىندا شابۋىلىن باستاعان. الدىمەن نەمەرە ٸنٸسٸن تەمەكٸ شەگەيٸك دەگەن سىلتاۋمەن شاقىرىپ الىپ, ارقاسىنا بٸرنەشە رەت پىشاق سۇققان. جٸگٸت كٶمەككە شاقىرۋ ٷشٸن ەكٸنشٸ قاباتقا ەجەسٸنٸڭ بٶلمەسٸنە جٷگٸرەدٸ. ونداعى تەلەفون ارقىلى قاراما-قارسى تۇراتىن تۋىستارىنا تەلەفون سوعىپ, ەسٸنەن تانىپ قالادى. عابدۋللين ونىڭ ارتىنان جٷگٸرٸپ كٸرٸپ, ۇيقىداعى قارييانى دا پىشاقتايدى. كەيٸن 48 جاستاعى تەتەسٸنە دە پىشاق سۇعادى.
«سوتتالۋشىنىڭ جاساعان قىلمىسى ٶتە اۋىر بولعاندىقتان سوت ونى قوعام ٷشٸن قاۋٸپتٸ دەپ تانىدى. سول سەبەپتٸ عابدۋللين ٶمٸر بويىنا باس بوستاندىعىنان ايىرىلدى. جازاسىن قىلمىستىق-اتقارۋ جٷيەسٸنٸڭ تٶتەنشە قاۋٸپسٸزدٸك مەكەمەسٸندە ٶتەيدٸ», - دەيدٸ سەرگەي ۆيكتورەنكو.
سونداي-اق عابدۋلليننەن جەبٸرلەنۋشٸلەردٸڭ پايداسىنا 14,8 ملن تەڭگەدەن استام ماتەريالدىق جەنە مورالدىق شىعىن ٶندٸرٸلدٸ.
