ۆيدەو كادرى
پەتروپاۆلداعى مەكتەپتە شابۋىل جاساعان وقۋشى ەكٸ ايعا قاماۋعا الىندى, - دەپ حابارلايدى "ۇلت اقپارات".
"2023 جىلعى 15 اقپاندا پەتروپاۆل قالاسى مامانداندىرىلعان تەرگەۋ سوتى كەمەلەتكە تولماعان د.-عا قاتىستى ەكٸ اي مەرزٸمگە قاماۋدا ۇستاۋ تٷرٸندە بۇلتارتپاۋ شاراسىن سانكتسييالادى", - دەدٸ باسپاسٶز قىزمەتٸ ٶكٸلدەرٸ.
رەسمي حابارلاماعا سەيكەس, سوتالدى تەرگەپ-تەكسەرۋدٸڭ باسقا دەرەكتەرٸ قىلمىستىق ٸس جٷرگٸزۋ كودەكسٸنٸڭ 201-بابىنا سەيكەس جارييالانبايدى.
ەسكە سالايىق, بۇعان دەيٸن پەتروپاۆلدا 9-سىنىپ وقۋشىسى مەكتەپكە بالتا مەن پىشاق ەكەلٸپ, ٷش بالانى جاراقاتتاعانى حابارلانعان بولاتىن.
وقيعا تاڭەرتەڭ №4 مەكتەپتە بولعان. قالا ەكٸمدٸگٸنٸڭ مەلٸمەتٸنشە, ەكٸ جاسٶسپٸرٸم بالالار اۋرۋحاناسىندا جاتىر. ٷشٸنشٸ بالاعا وقيعا ورنىندا مەديتسينالىق كٶمەك كٶرسەتٸلگەن.
انىقتالعانداي, قۇرداستارىن بالتامەن جاراقاتتاعان وقۋشىنىڭ پسيحيكالىق اۋىتقۋى بولعان. وعان مەكتەپتە بٸلٸم الۋعا الماتى قالاسى رەسپۋبليالىق پسيحيكالىق دەنساۋلىق عىلىمي-تەجٸريبەلٸك ورتالىعى رۇقسات بەرگەن.
