video kadry
Petropavldaǵy mektepte shabýyl jasaǵan oqýshy eki aiǵa qamaýǵa alyndy, - dep habarlaidy "Ult aqparat".
"2023 jylǵy 15 aqpanda Petropavl qalasy mamandandyrylǵan tergeý soty kámeletke tolmaǵan D.-ǵa qatysty eki ai merzimge qamaýda ustaý túrinde bultartpaý sharasyn sanktsiialady", - dedi baspasóz qyzmeti ókilderi.
Resmi habarlamaǵa sáikes, sotaldy tergep-tekserýdiń basqa derekteri Qylmystyq is júrgizý kodeksiniń 201-babyna sáikes jariialanbaidy.
Eske salaiyq, buǵan deiin Petropavlda 9-synyp oqýshysy mektepke balta men pyshaq ákelip, úsh balany jaraqattaǵany habarlanǵan bolatyn.
Oqiǵa tańerteń №4 mektepte bolǵan. Qala ákimdiginiń málimetinshe, eki jasóspirim balalar aýrýhanasynda jatyr. Úshinshi balaǵa oqiǵa ornynda meditsinalyq kómek kórsetilgen.
Anyqtalǵandai, qurdastaryn baltamen jaraqattaǵan oqýshynyń psihikalyq aýytqýy bolǵan. Oǵan mektepte bilim alýǵa Almaty qalasy Respýblialyq psihikalyq densaýlyq ǵylymi-tájiribelik ortalyǵy ruqsat bergen.
