پەتروپاۆلدا پوليتسەيلەر 14 سەۋٸردەن «تٷنگٸ قالاداعى بالالار» جەدەل-پروفيلاكتيكالىق ٸس-شاراسىن باستادى. نەتيجەسٸندە ويىن-ساۋىق ورىندارىندا تٷندە جٷرگەن 15 جاسٶسپٸرٸم انىقتالدى, دەپ حابارلايدى قازاقپارات.
سولتٷستٸك قازاقستان وبلىسى پوليتسييا دەپارتامەنتٸ باسپاسٶز قىزمەتٸنٸڭ مەلٸمەتٸنشە, وپەراتسييا بارىسىندا تەرتٸپ ساقشىلارى جاستار كٶپ جينالاتىن ورىنداردى, ويىن-ساۋىق مەكەمەلەرٸن, قالا كٶشەلەرٸن نازارعا الادى. جاسٶسپٸرٸمدەرگە ساعات 23.00-دەن كەيٸن زاڭدى ٶكٸلدەرٸنٸڭ ەرٸپ جٷرۋٸنسٸز تۇرعىلىقتى جەرٸنەن تىس جٷرۋگە زاڭمەن تىيىم سالىنعان. الايدا, ادامدار زاڭناما تالاپتارىن بٸلە بەرمەيدٸ.
مەسەلەن, جامبىل كٶشەسٸندەگٸ دەمحانالاردىڭ بٸرٸندە پوليتسەيلەر تٷنگٸ ۋاقىتتا ەپكەسٸ جەنە تانىستارىمەن بٸرگە بولعان 17 جاسار جاسٶسپٸرٸمدٸ انىقتاعان. جاستار قۇقىق بۇزۋشىلىق جاساپ جاتقانىن بٸلگەندە, تاڭعالىسىن جاسىرمادى, ولاردىڭ ايتۋىنشا, جاسٶسپٸرٸم «ەرەسەكتەردٸڭ باقىلاۋىندا بولعان».
«بالالاردىڭ زاڭدى ٶكٸلدەرٸ رەتٸندە تەك اتا-اناسى نەمەسە ولاردى الماستىراتىن تۇلعالار بولۋى مٷمكٸن. بۇل جاعدايدا جاسٶسپٸرٸمنٸڭ اتا-اناسىن جەنە دەمحانا يەسٸن جاۋاپقا تارتۋعا تۋرا كەلدٸ. ٸس-شارانىڭ ەكٸ كٷنٸندە جاسٶسپٸرٸمدەردٸڭ ساعات 22.00-دەن كەيٸن ويىن-ساۋىق ورىندارىندا جەنە ساعات 23.00-دەن كەيٸن تۇرعىنجايدان تىس جٷرۋلەرٸنٸڭ 15 فاكتٸسٸ انىقتالدى. بالالارىن تەربيەلەۋ جەنە اسىراۋ بويىنشا مٸندەتتەرٸن اتقارماعانى ٷشٸن 7 زاڭدى ٶكٸل جاۋاپقا تارتىلدى», - دەيدٸ پەتروپاۆل قالالىق پوليتسييا باسقارماسى باستىعىنىڭ بٸرٸنشٸ ورىنباسارى ەلٸبەك عابدۋللين.
بۇدان بٶلەك, پوليتسەيلەر «تٷنگٸ قالاداعى بالالار» جەدەل-پروفيلاكتيكالىق ٸس-شاراسى اياسىندا تۇرعىلىقتى جەرٸ بويىنشا تۇرمىسى قولايسىز 56 وتباسىنى, ەسەپتەگٸ تۇرعان 40 جاسٶسپٸرٸمدٸ تەكسەردٸ. وقۋ ورىندارىندا پوليتسەيلەر وقۋشىلارمەن 50-دەن استام كەزدەسۋ ٶتكٸزگەن. جاسٶسپٸرٸمدەر قۇقىقتىق ساۋاتسىزدىقتان, كەيبٸر ەرەكەتتەرٸنە قاتىستى جاۋاپكەرشٸلٸك كٶزدەلگەنٸن تٷسٸنبەگەندٸكتەن, قۇقىق بۇزۋشىلىققا جول بەرٸپ جاتادى. تەرتٸپ ساقشىلارى بۇل مەسەلەلەردٸ شەشۋ ٷشٸن قىلمىستىق ەرەكەتتەردەن ساقتانۋ جولدارى تۋرالى كەڭەستەر بەردٸ.
