پەتروپاۆلدا سۋ جٷيەسٸندە تاعى دا اپات بولىپ, قالا تۇرعىندارى سۋسىز قالدى, دەپ حابارلايدى قازاقپارات.
قالاداعى م. جۇماباەۆ كٶشەسٸندە سۋ قۇبىرى قايتا جارىلدى. اپات ورنىندا تٷسٸرٸلگەن ۆيدەو ەلەۋمەتتٸك جەلٸدە تارادى.
كەرٸز قۇدىقتارىنان تاسىپ, اعىپ جاتقان سۋ بٸردەن كٶشەنٸ الىپ, جەكە سەكتورداعى تۇرعىن ٷيلەرگە قاۋٸپ تٶندٸردٸ. تۇرعىنداردىڭ ايتۋىنشا, قازٸرگٸ ۋاقىتتا وبلىس ورتالىعىنىڭ بٸرقاتار اۋدانىندا سۋ جوق.
وقيعا ورنىندا پەتروپاۆل ەكٸمٸ رۋسلان اڭباەۆ تا جٷر.
«م.جۇماباەۆ كٶشەسٸندە سۋ قۇبىرى جارىلدى. «قىزىلجار سۋ» جشس-نىڭ اۆارييالىق بريگاداسى جۇمىس ٸستەپ جاتىر. قازٸر دالاعا اققان سۋ توقتاتىلدى, ماماندار سەبەبٸن انىقتاۋدا. قالانىڭ باسىم بٶلٸگٸندە سۋ بەرۋ قىسىمى تٶمەندەتٸلدٸ.
وسى اۋدانداعى 15 ٷيدە قازٸرگٸ ۋاقىتتا سۋ جوق. سونداي-اق وبلىستىق بالالار اۋرۋحاناسى, بەيٸمدەۋ ورتالىعى, پەتروپاۆل نان-توقاش كومبيناتى مەن «سەۆكازەنەرگو» اق سۋسىز وتىر», - دەپ جازدى ەلەۋمەتتٸك جەلٸدەگٸ جەكە پاراقشاسىندا رۋسلان اڭباەۆ.
ەكٸمنٸڭ ايتۋىنشا, قالا سۋسىز قالمايدى. الداعى بٸرنەشە ساعاتتا قۇبىرداعى قىسىم بٸرتٸندەپ كٶتەرٸلەدٸ. ال اپات بولعان اۋدان تۇرعىندارى مەن ەلەۋمەتتٸك نىساندارعا سۋ جەتكٸزٸلەتٸن بولادى.
«قىزىلجار سۋ» جشس دە وقيعاعا قاتىستى تٷسٸنٸك بەردٸ.
«بٷگٸن ساعات 18:15 شاماسىندا م.جۇماباەۆ – س. مۇقانوۆ كٶشەلەرٸنٸڭ بويىندا د=800 مم سۋ قۇبىرى جارىلدى. الدىن الا بولجام بويىنشا ەكٸ قۇبىر جالعانعان جەر اشىلىپ كەتكەن, بۇل قۇرىلىس كەزٸندە جٸبەرٸلگەن اقاۋ بولۋى مٷمكٸن.
وسىعان وراي سۋ جٷيەسٸندە قالا بويىنشا قىسىم تٶمەندەتٸلدٸ. قازٸرگٸ ۋاقىتتا اپاتتى جويۋ بويىنشا جۇمىستار جٷرگٸزٸلٸپ جاتىر. ماگيسترالدٸ تيەكتەر جابىلعاننان كەيٸن اپات بولعان اۋداننان باسقا جەرلەرگە سۋ بەرۋ قالپىنا كەلتٸرٸلەدٸ.
«كەسٸپورىن بارىنشا قىسقا ۋاقىتتا سۋ قۇبىرىن قالپىنا كەلتٸرۋگە تىرىسادى», - دەدٸ «قىزىلجاس سۋ» جشس باس ديرەكتورى ج. سۇلتانوۆ.
پەتروپاۆلدا قاراشا ايىنىڭ باسىندا عانا سۋ جەلٸسٸندە ٸرٸ اپات بولىپ, قالا بٸرنەشە ساعاتقا سۋدان اجىراتىلعان ەدٸ.
