پەتروپاۆل قالاسىندا سينتەتيكالىق ەسٸرتكٸ تاراتۋمەن اينالىستى دەگەن كٷدٸكپەن 25 جاستاعى ەر ادام مەن 18 جاستاعى بويجەتكەن ۇستالدى, دەپ حابارلايدى ult.kz.
Polisia.kz مەلٸمەتٸنشە, كٷدٸكتٸلەر ينتەرنەت ارقىلى جۇمىس ٸستەيتٸن ەسٸرتكٸ دٷكەنٸنٸڭ تاپسىرمالارىن ورىنداپ كەلگەن. ۇستاۋ كەزٸندە ولار پوليتسييا قىزمەتكەرلەرٸنٸڭ زاڭدى تالاپتارىنا باعىنباي, قارسىلىق كٶرسەتكەن.
كٷدٸكتٸ جٸگٸت قاشىپ قۇتىلماق بولىپ, ازىق-تٷلٸك دٷكەنٸنە كٸرگەن. سول جەردە تەرتٸپ بۇزىپ, ٸشٸندە ۇنتاق تەرٸزدٸ زات بولعان ورامانى لاقتىرىپ جٸبەرۋگە ەرەكەتتەنگەن. ساراپتاما قورىتىندىسىنا سەيكەس, ۇستالعان سەتتە ول ەسٸرتكٸلٸك ماساڭ كٷيدە بولعان.
ال 18 جاستاعى بويجەتكەننٸڭ الكوگول مەن پسيحيكاعا كٷشتٸ ەسەر ەتەتٸن زاتتاردى قولدانۋىنا بايلانىستى پسيحيكالىق دەنساۋلىق ورتالىعىندا ەسەپتە تۇرعانى انىقتالدى.
جەدەل-ٸزدەستٸرۋ شارالارى بارىسىندا پوليتسەيلەر جالپى سالماعى شامامەن 160 گرامم بولاتىن «سپايس» پسيحوتروپتىق زاتى ساقتالعان 11 جاسىرىن قويمانى تاۋىپ, تەركٸلەدٸ.
قازٸرگٸ تاڭدا ەكٸ كٷدٸكتٸ قاماۋعا الىندى. اتالعان دەرەك بويىنشا سوتقا دەيٸنگٸ تەرگەپ-تەكسەرۋ امالدارى جٷرگٸزٸلٸپ جاتىر.
پوليتسييا ٶكٸلدەرٸ ەسٸرتكٸ بيزنەسٸندەگٸ «وڭاي تابىس» تۋرالى ۇسىنىستاردىڭ سوڭى قىلمىستىق جاۋاپكەرشٸلٸككە ۇلاساتىنىن ەسكەرتتٸ.
جىل باسىنان بەرٸ سولتٷستٸك قازاقستان وبلىسىندا قۇقىق قورعاۋ ورگاندارى ەسٸرتكٸ جەتكٸزۋدٸڭ 15 ارناسىن انىقتاپ, ولاردىڭ قىزمەتٸن توقتاتقان.
