Petropavl qalasynda sintetikalyq esirtki taratýmen ainalysty degen kúdikpen 25 jastaǵy er adam men 18 jastaǵy boijetken ustaldy, dep habarlaidy ult.kz.
Polisia.kz málimetinshe, kúdiktiler internet arqyly jumys isteitin esirtki dúkeniniń tapsyrmalaryn oryndap kelgen. Ustaý kezinde olar politsiia qyzmetkerleriniń zańdy talaptaryna baǵynbai, qarsylyq kórsetken.
Kúdikti jigit qashyp qutylmaq bolyp, azyq-túlik dúkenine kirgen. Sol jerde tártip buzyp, ishinde untaq tárizdi zat bolǵan oramany laqtyryp jiberýge árekettengen. Saraptama qorytyndysyna sáikes, ustalǵan sátte ol esirtkilik masań kúide bolǵan.
Al 18 jastaǵy boijetkenniń alkogol men psihikaǵa kúshti áser etetin zattardy qoldanýyna bailanysty psihikalyq densaýlyq ortalyǵynda esepte turǵany anyqtaldy.
Jedel-izdestirý sharalary barysynda politseiler jalpy salmaǵy shamamen 160 gramm bolatyn «spais» psihotroptyq zaty saqtalǵan 11 jasyryn qoimany taýyp, tárkiledi.
Qazirgi tańda eki kúdikti qamaýǵa alyndy. Atalǵan derek boiynsha sotqa deiingi tergep-tekserý amaldary júrgizilip jatyr.
Politsiia ókilderi esirtki biznesindegi «ońai tabys» týraly usynystardyń sońy qylmystyq jaýapkershilikke ulasatynyn eskertti.
Jyl basynan beri Soltústik Qazaqstan oblysynda quqyq qorǵaý organdary esirtki jetkizýdiń 15 arnasyn anyqtap, olardyń qyzmetin toqtatqan.
