پەتروپاۆل ماڭىنداعى ورماننىڭ بٸرٸندە جۇمىس ٸستەگەن زاڭسىز اعاش كەسۋشٸنٸ ورمانشىلار ەلەۋمەتتٸك جەلٸدە جارييالانعان فوتو كٶمەگٸمەن قولعا تٷسٸردٸ, دەپ حابارلايدى "ۇلت اقپارات".
ەلەۋمەتتٸك جەلٸ قولدانۋشىلارىنىڭ بٸرٸ پەتروپاۆل ماڭىنداعى ەۋەجايعا باراتىن ورماندا بٸرەۋلەردٸڭ اعاش كەسٸپ جاتقانىن تٷسٸرٸپ, ساۋ اعاشتاردىڭ وتالىپ جاتقانىنا نارازىلىعىن بٸلدٸردٸ. ونىڭ بۇل جازباسى كٶپشٸلٸك تاراپىنان قولداۋ تاۋىپ, تالقىعا تٷستٸ.
جازبانى ەلەۋمەتتٸك جەلٸگە مونيتورينگ جٷرگٸزگەن «قىزىلجار ورمان شارۋاشىلىعى» كمم قىزمەتكەرلەرٸ دە كٶرگەن.
«24 قاراشا كٷنٸ ەۋەجايعا بارار جولداعى ورماننان اعاشتى ارتىپ جاتقان تراكتوردىڭ سۋرەتٸن كٶردٸك. بٸردەن وقيعا ورنىنا باردىق. ورمان شارۋاشىلىعى اۋماقتىق ينسپەكتسيياسىمەن بٸرگە اعاش كەسٸلگەن اۋماقتى تەكسەردٸك.
بٸز جىل سايىن ورمانداردىڭ جاعدايىن انىقتاۋ بويىنشا تەكسەرٸس جٷرگٸزەمٸز. بۇل جەردە قۇرت جەگەن, قۋراي باستاعان 55 تەكشە مەتر اعاش كەسٸلۋٸ تيٸس بولاتىن. بٸراق يگناتەنكو دەگەن ازاماتقا بۇل كٶلەم از بولىپ, ول ەرٸ قاراي اعاشتى زاڭسىز كەسكەن. وسىلايشا بەلگٸلەنگەن شەكارادان شىعىپ, 9 تەكشە مەتر اعاشتى رۇقساتسىز كەسٸپ العان. قازٸرگٸ تاڭدا كەلتٸرٸلگەن شىعىن مٶلشەرٸ ەسەپتەلدٸ. ٸس قۇقىق قورعاۋ ورىندارىنا بەرٸلٸپ, تەرگەۋ جٷرٸپ جاتىر. ال قىلمىس قۇرالدارى: بالتا, ارا جەنە تراكتور تەركٸلەنٸپ, پوليتسيياعا بەرٸلدٸ», - دەيدٸ «قىزىلجار ورمان شارۋاشىلىعى» كمم جەتەكشٸسٸ قايرات قالىقوۆ.
ماماننىڭ ايتۋىنشا, كەلگەن شىعىن مٶلشەرٸ – 254 مىڭ تەڭگە.
اعاش كەسكەن ادام شارۋاشىلىقتىڭ جۇمىسشىسى. جالپى مۇنداي زاڭبۇزۋشىلىقتار جيٸ بولىپ تۇرادى. بيىل قىزىلجار اۋدانى, پەتروپاۆل قالاسى بويىنشا 5 جاعداي تٸركەلدٸ. بۇل – بىلتىرعىدان 3-4 ەسە از.
«بٸر اپتا بۇرىن عانا 20 تەكشە مەتر اعاشتى زاڭسىز كەسكەندەردٸ ۇستادىق. ٸستٸ سوڭىنا جەتكٸزۋ ٷشٸن اپتاعا جۋىق ۋاقىت كەتتٸ. كٶپ جاعدايدا رۇقساتسىز اعاش كەسكەندەردٸ قولعا تٷسٸرۋ قيىن, ورنىن سيپاپ قالامىز. ٶيتكەنٸ تەحنيكا از, ماماندار جەتكٸلٸكسٸز, ٷلكەن اۋماقتى ٷنەمٸ نازاردا ۇستاۋ قيىن», - دەيدٸ قايرات قالىقوۆ.
