پەتروپاۆل قالاسىن جاڭاجىلدىق بەزەندٸرۋگە جەرگٸلٸكتٸ بيۋدجەت قاراجاتى بٶلٸنبەيدٸ. بۇل تۋرالى بٷگٸن ورتالىق كومۋنيكاتسييالار قىزمەتٸندەگٸ بريفينگتە سولتٷستٸك قازاقستان وبلىسىنىڭ ەكٸمٸ قۇمار اقساقالوۆ ايتتى, دەپ حابارلايدى قازاقپارات تٸلشٸسٸ.
«سولتٷستٸك قازاقستان وبلىسىنىڭ بيۋدجەتٸ, دامۋ بيۋدجەتٸ تىم از. 9 ملرد تەڭگە عانا. باسقا وبلىستارمەن سالىستىرعاندا 10 ەسە كەم. قاراجات بولماعاندىقتان كٶپ نەرسەگە, سونىڭ ٸشٸندە بەزەندٸرۋگە جەتپەيدٸ. سوندىقتان بىلتىر قالا ەكٸمشٸلٸگٸنە تيٸستٸ تاپسىرما بەرٸپ, بيۋدجەتتەن اقشا بٶلٸنبەيتٸندٸگٸن ەسكەرتتٸم. ەسكٸ زاتتاردى جٶندەپ تە پايدالانۋعا بولادى ەمەس پە?», - دەدٸ وبلىس باسشىسى.
ونىڭ ايتۋىنشا, جاڭاجىلدىق بەزەندٸرۋگە قاجەتتٸ قاراپايىم دٷنيەلەردٸ بالالاردىڭ, كوللەدج ستۋدەنتتەرٸنٸڭ كٷشٸمەن دە جاساۋعا بولادى.
«مەن قالا ەكٸمٸن ەدەيٸ وسىندا الىپ كەلٸپ, استانانىڭ بەزەندٸرٸلۋٸن كٶرسەتتٸم. قۇرىلعىلاردىڭ ەشقانداي قيىنشىلىعى جوق. ونى كوللەدجەردٸڭ شەبەرحانالارىندا جاساۋعا بولادى. بيىل دا بيۋدجەتتەن قاراجات بٶلٸنبەيدٸ. بىلتىرعى تەجٸريبەمٸزبەن قالامىزدى بەزەندٸرەمٸز», - دەدٸ قۇمار اقساقالوۆ.
