رەسەي پرەزيدەنتٸ پۋتيننٸڭ باسپاسٶز حاتشىسى دميتريي پەسكوۆ بٷگٸنگٸ بريفينگٸندە كرەمل 9 مامىردا مەسكەۋدە ٶتەتٸن پارادقا شەتەلدٸك ليدەرلەر شاقىرىلمايتىنىن ايتتى, دەپ حابارلايدى ازاتتىق.
بريفينگتە ريا نوۆوستي اگەنتتٸگٸنٸڭ جۋرناليسٸنٸڭ «پۋتين بٷگٸن [قازاقستان پرەزيدەنتٸ] توقاەۆپەن سٶيلەسكەندە, ونى 9 مامىردا مەسكەۋدەگٸ پارادقا شاقىردى ما?» دەپ سۇراعاندا پەسكوۆ:
«جەڭٸس كٷنٸنە بٸز شەتەلدٸك ليدەرلەردٸ شاقىرمايمىز. بۇل – دٶڭگەلەك داتا ەمەس. بۇل – بٸزدٸڭ مەرەكە, بۇل – بٷكٸل رەسەي مەن رەسەيلٸكتەر ٷشٸن قاسيەتتٸ مەرەكە. بٸراق شەتەلدٸك ليدەرلەردٸ شاقىرمايمىز. مەنٸڭ بٸلۋٸمشە, لۋكاشەنكونى دا شاقىرۋ جوسپارلانباعان» دەدٸ.
كرەمل 9 مامىردا مەسكەۋدە جەڭٸس كٷنٸنە وراي ەسكەري پارادقا دايىندالىپ جاتىر. بۇل ەسكەري شەرۋ ۋكرايناداعى سوعىس تۇسىندا ٶتپەك. باتىس بارلاۋشىلارى ناۋرىزدا «كرەمل 9 مامىرعا دەيٸن ۋكرايناداعى سوعىستا قانداي دا بٸر جەتٸستٸككە جەتۋدٸ جوسپارلايدى» دەگەن ەدٸ. بٸراق رەسەي ەسكەريلەرٸ كيەۆ ماڭىندا ايتارلىقتاي جەتٸستٸككە جەتە الماي دونباسسقا قاراي اۋىسقان. ۇلىبريتانييا قورعانىس مينيسترلٸگٸ «رەسەي ەسكەريلەرٸ دونباسستا دا ايتارلىقتاي جەتٸستٸككە جەتە الماي جاتىر» دەيدٸ.
