رەسەي ۋكراينا اۋماعىنداعى ەسكەري قيمىلدار كەزٸندە ەدەۋٸر شىعىنعا ۇشىرادى. بريتاندىق Sky News ارناسىنا بەرگەن سۇحباتىندا كرەملدٸڭ باسپاسٶز حاتشىسى دميتريي پەسكوۆ وسىلاي دەپ مەلٸمدەدٸ. دەگەنمەن كرەمل ٶكٸلٸ رەسەي ناقتى قانشا سولداتىنان ايىرىلعانىن ايتپادى, دەپ حابارلايدى ازاتتىق.
ۋكراينا تٶڭٸرەگٸندەگٸ جاعدايعا توقتالعان پەسكوۆ اتالعان ەل 2014 جىلعى مايداننان كەيٸن ٶزگەرگەنٸن اتاپ ٶتتٸ. كرەمل ٶكٸلٸ مايداندى "زاڭسىز تٶڭكەرٸس" دەپ اتادى.
پەسكوۆتىڭ سٶزٸنە قاراعاندا, سول وقيعالاردان كەيٸن ۋكراينا "انتيرەسەيشٸل" مەملەكەتكە اينالعان. "ول جاقتا بولىپ جاتقان نەرسەلەردٸڭ بارلىعى رەسەيگە قارسى باعىتتالعان" دەدٸ ول.
"ادام شىعىنىن ەسەپكە العاندا رەسەيدٸڭ ۋكرايناداعى سوعىستان "كٶڭٸلٸ قالدى ما?" دەگەن سۇراققا پەسكوۆ جۋرناليستٸڭ بولىپ جاتقان وقيعالاردى دۇرىس تٷسٸنبەيتٸنٸن جەتكٸزدٸ.
پەسكوۆ سونىمەن بٸرگە ۋكراينا اۋماعىنداعى "ارنايى وپەراتسييا" الداعى ۋاقىتتا دٸتتەگەن ماقساتىنا جەتٸپ اياقتالادى نەمەسە كەلٸسسٶزبەن بٸتەتٸن شىعار دەپ ٷمٸتتەنەتٸنٸن جەتكٸزدٸ.
- 25 ناۋرىزدا رەسەي قورعانىس مينيسترلٸگٸ ۋكرايناداعى سوعىستا 1351 ورىس سولداتى قازا بولعانىن, تاعى 3825 سولدات جارالانعانىن مەلٸمدەگەن. سودان بەرٸ رەسەي بيلٸگٸ ول جٶنٸندە ايتپاعان. ۋكراينا قورعانىس مينيسترلٸگٸنٸڭ مەلٸمەتٸنشە, رەسەي جاعى 18 600 ەسكەرٸنەن ايىرىلعان.
- ۋكراينا قانشا سولداتى قازا بولعانىن جارييالاعان جوق. رەسەي قورعانىس مينيسترلٸگٸ ناۋرىزدىڭ سوڭىندا كەمٸندە 14 مىڭ ۋكراين سولداتى قازا بولدى دەپ مەلٸمدەگەن.
- ەسكەري قيمىل جالعاسىپ جاتقان شاقتا تاراپتاردىڭ ادام شىعىنى تۋرالى مەلٸمەتٸن تەۋەلسٸز دەرەككٶزدەرٸمەن تەكسەرۋ مٷمكٸن بولماي تۇر.
