فوتو: altyn-orda.kz
استانانىڭ قىلمىستىق ٸستەر جٶنٸندەگٸ اۋدانارالىق سوتىندا پەريزات قايراتقا قاتىستى ٸس بويىنشا تىڭداۋلار جالعاسىپ جاتىر. 2025 جىلعى 17 شٸلدەدە سوتتا كۋەگەرلەردٸڭ بٸرٸ كەسٸپكەرلەردٸڭ وعان اقشانى قولما-قول, ەشقانداي قۇجاتسىز بەرگەنٸن مەلٸمدەدٸ, دەپ حابارلايدى Ult.kz Zakon.kz-كە سٸلتەمە جاساپ.
كۋەگەردٸڭ ايتۋىنشا, ول پەريزات قايراتپەن ٷش رەت كەزدەسٸپ, اقشا بەرگەن.
"بارلىق سومانى دەل قايتالاي المايمىن, بٸراق شامامەن بٸر جەكە كەسٸپكەر – 70 ميلليون تەڭگە كٶلەمٸندە بەردٸ. ەستە ساقتاۋ قابٸلەتٸم الداماسا, بارلىعى 12-13 جەكە كەسٸپكەر بولدى. مەن ەشقانداي جازبا جٷرگٸزگەن جوقپىن. ەسەپتەمەلەر جاسالمادى. بارلىعى سەنٸم دەڭگەيٸندە ٶتتٸ, سوندىقتان مۇنى قۇجاتتاۋدىڭ كەرەگٸ بولمادى", - دەدٸ ول.
ونىڭ ايتۋىنشا, بارلىق اقشانى پەريزات قايراتتىڭ ٶزٸ الىپ وتىرعان.
"ىڭعايلى بولۋ ٷشٸن بٸز اقشانى سٶمكەلەرگە سالاتىنبىز. سەبەبٸ بانكتەر اقشانى ورالعان كٷيدە بەرەتٸن. سول ٷشٸن ولاردى سٶمكەلەرگە سالىپ بەرۋ جەڭٸل بولاتىن. بۇل سٶمكەلەر پەريزات قايراتتىڭ ٶزٸنە قولما-قول بەرٸلٸپ, كٶلٸككە تيەلەتٸن. كەدٸمگٸ تورلى, قىتاي سٶمكەلەرٸ. سومالار ايتارلىقتاي ٷلكەن بولدى, مىسالى, العاشقى ترانشتا ەكٸ نەمەسە ٷش جەكە كەسٸپكەر اقشا بەرگەن بولسا, 70 ميلليوننان ەسەپتەسەك, شامامەن 200 ميلليون تەڭگە بولعان", - دەپ تولىقتىردى كۋەگەر.
2025 جىلعى 14 شٸلدەدە استاناداعى اۋدانارالىق قىلمىستىق ٸستەر جٶنٸندەگٸ سوتتا پەريزات قايراتقا قاتىستى باستى سوت پروتسەسٸ باستالدى. وعان الاياقتىق جەنە قىلمىستىق جولمەن الىنعان اقشانى زاڭداستىرۋ ايىپتارى تاعىلىپ وتىر.
