بٷگٸن وبلىس ەكٸمٸ اماندىق باتالوۆ جاسٶسپٸرٸمدەرگە زورلىق كٶرسەتۋ فاكتٸسٸن انىقتاپ, كٸنەلٸنٸڭ جازاعا تارتىلۋىنا مۇرىندىق بولعان, ەڭ باستىسى جەبٸر كٶرگەن جاسٶسپٸرٸمگە دەر كەزٸندە پسيحولوگييالىق كٶمەك كٶرسەتٸپ, جارقىن ٶمٸرگە بەت بۇرعىزعان ماتاي ورتا مەكتەبٸنٸڭ پسيحولوگى اجار دٷيسەنبەكوۆانى قابىلدادى, دەپ حابارلايدى "ۇلت اقپارات" الماتى وبلىسى ەكٸمٸنٸڭ باسپاسٶز قىزمەتٸنە سٸلتەمە جاساپ.
وبلىس ەكٸمٸ اجار دٷيسەنبەكوۆا جايلى بلوگەر جاننا احمەتوۆانىڭ Facebook پاراقشاسىنان بٸلگەنٸن ايتتى. وقيعادان بەرٸ بٸراز ۋاقىت ٶتكەنٸمەن, بۇل پسيحولوگتى كەسٸبيلٸگٸ ٷشٸن ماراپاتتاۋعا كەدەرگٸ ەمەس ەكەنٸن دە جەتكٸزدٸ.
«بٷگٸنگٸ كٷنٸ ەربٸر پەداگوگ, ەربٸر پسيحولوگ وسىلاي جۇمىس ٸستەۋٸ كەرەك. بالالار سۋيتسيدٸنٸڭ الدىن الىپ, قيىن جاعدايدا ولارعا كەسٸبي مامان رەتٸندە كٶمەكتەسە بٸلدٸڭ. قازٸرگٸ كەزدە سۋيتسيد نەگە ٶسٸپ كەتتٸ? قيىن جاعدايعا تاپ بولعاندا جاسٶسپٸرٸمدەر تۇيىققا تٸرەلٸپ, جارقىن ٶمٸرگە شىعاتىن جول تاپپاي قالادى. اينالاسىندا ادام تولىپ جٷرسە دە, پروبلەماسىمەن جالعىز ٶزٸ بەتپە-بەت كەلەدٸ. سونداي كەزدەردە بالانىڭ كٶڭٸل كٷيٸن بايقاپ, ەڭگٸمەلەسٸپ, تىعىرىقتان شىعاتىن جول كٶرسەتۋ – وتباسىندا ەرقايسىمىزدىڭ مٸندەتٸمٸز, ال مەكتەپتە مۇعالٸمنٸڭ جاۋاپكەرشٸلٸگٸندە. سول جاۋاپكەرشٸلٸكتٸ ٷلكەن ابىرويمەن اتقاردىڭ. سەنٸڭ وسى كەسٸبي بٸلٸكتٸلٸگٸڭ بارلىق پەداگوگتارعا ٷلگٸ بولۋى كەرەك», - دەپ ريزاشىلىعىن بٸلدٸرگەن وبلىس ەكٸمٸ ا. باتالوۆ اجار دٷيسەنبەكوۆاعا قۇرمەت گراموتاسىن ۇسىنىپ, نوۋتبۋك سىيعا تارتتى.
اجار دا ٶز كەزەگٸندە وبلىس باسشىسىنا العىسىن بٸلدٸردٸ.
«مەنٸڭ ورنىمدا بولسا, كەز كەلگەن پسيحولوگ وسىلاي جاسايدى دەپ ويلايمىن. مەن بٸر ەرەكشە ٸس جاسادىم دەمەيمٸن, تەك ٶزٸمنٸڭ كەسٸبي مٸندەتٸمدٸ ورىندادىم. ەربٸر بالا مەيٸرٸم مەن ماحابباتقا بٶلەنٸپ ٶسۋٸ كەرەك, بالاعا زورلىق جاساۋعا ەشكٸمنٸڭ دە حاقى جوق. سوندىقتان بٸز ەربٸر بالانىڭ تاعدىرىنا جاۋاپتىمىز. مەنٸ ەلەپ-ەسكەرٸپ شاقىرعانىڭىزعا, ماراپاتتاپ جاتقانىڭىزعا شىن جٷرەكتەن العىس ايتامىن», - دەدٸ ا. دٷيسەنبەكوۆا.
اتاپ ٶتسەك, اجار دٷيسەنبەكوۆا 11 جىلدان بەرٸ ماتاي ورتا مەكتەبٸندە پسيحولوگ بولىپ جۇمىس ٸستەيدٸ. وتباسىندا ٷش ۇل تەربيەلەپ وتىرعان باقىتتى انا. 2018 جىلى ەكٸ بٸردەي جاسٶسپٸرٸم قىزدىڭ تاعدىرىنا اراشا تٷسٸپ, جەبٸر كٶرسەتۋشٸنٸڭ زاڭعا سەيكەس جازاسىن الۋىنا, ال قىزداردىڭ جاڭا ٶمٸر باستاۋىنا مامان رەتٸندە اتسالىسقان.
