بٸلٸم جەنە عىلىم مينيسترٸ اسحات ايماعامبەتوۆ مەملەكەت باسشىسى قاسىم-جومارت توقاەۆتىڭ قازاقستان حالقىنا كەزەكتٸ جولداۋى تۋرالى پٸكٸر بٸلدٸردٸ. "ۇلت پورتالى" مينيستر سٶزٸنٸڭ تولىق مەتٸنٸن وقىرمان نازارىنا ۇسىنادى.
***
مەملەكەت باسشىسى قاسىم-جومارت كەمەلۇلى توقاەۆ قازاقستان حالقىنا جولداۋىن جارييا ەتتٸ.
ەل پرەزيدەنتٸ مەملەكەتتٸڭ تيٸمدٸلٸگٸ جەنە ازاماتتاردىڭ ەل-اۋقاتىن ارتتىرۋعا باعىتتالعان باستامالار مەن مٸندەتتەردٸ اتاپ ٶتتٸ.
قاسىم-جومارت كەمەلۇلى بٸلٸم جەنە عىلىم سالاسى بويىنشا دا بٸرقاتار ماڭىزدى ەرٸ ٶزەكتٸ مٸندەتتەر جٷكتەدٸ.
پرەزيدەنت جولداۋىندا كٶزدەلگەن تاپسىرمالاردىڭ ۋاقىتىلى جەنە ساپالى ورىندالۋىن قامتاماسىز ەتۋ ٷشٸن بارلىق قاجەتتٸ شارا قابىلداناتىن بولادى.
جولداۋدا ايتىلعانداي, ۋربانيزاتسييا جەنە دەموگرافييالىق پروتسەستەرگە بايلانىستى 2025 جىلى مەكتەپتەردە قوسىمشا شامامەن 1 ملن ورىن قاجەت بولادى.
بۇل مەسەلەنٸ شەشۋ ٷشٸن 1 مىڭ جاڭا مەكتەپ سالىنادى. وسى جىلدىڭ ٶزٸندە 200 مەكتەپتٸ اشۋ جوسپارلانىپ وتىر.
ەكٸمدٸكتەرمەن بٸرلەسٸپ 4 تەتٸك پايدالانىلاتىن بولادى. اتاپ ايتساق, مەملەكەتتٸك-جەكەمەنشٸك ەرٸپتەستٸك, جەكە مەكتەپتەر جەلٸسٸن دامىتۋ, مەملەكەتتٸك بيۋدجەتتەن نىسانالى قۇرىلىس جەنە مودۋلدٸك كونسترۋكتسييالاردان مەكتەپتەر سالۋ.
وقۋشىلاردىڭ بٸلٸمٸندەگٸ ولقىلىقتاردىڭ ورنىن تولتىرۋ جەنە وقۋ باعدارلامالارىن بەيٸمدەۋ بويىنشا شارالار جوسپارلانعان.
سونىمەن قاتار 5 مىڭ مەكتەپتٸ مودەرنيزاتسييالاۋ, پەندٸك كابينەتتەرمەن جابدىقتاۋ, قوسىمشا بٸلٸم بەرۋگە مەملەكەتتٸك تاپسىرىس بٶلۋ جوسپاردا بار.
پەداگوگتەردٸڭ بٸلٸكتٸلٸگٸن ارتتىرۋعا ەرەكشە نازار اۋدارىلاتىن بولادى. ەلەم قارىشتاپ دامىپ كەلە جاتقان جاعدايدا بۇل ٶتە ماڭىزدى. مۇعالٸمدەردٸڭ بٸلٸكتٸلٸگٸن قازٸرگٸدەي بەس جىلدا بٸر رەت ەمەس, ٷش جىلدا كەمٸندە بٸر رەت ارتتىرۋ كٶزدەلەتٸن بولادى. پرەزيدەنت سونداي-اق پەداگوگتەردٸ تەگٸن كۋرستارمەن تولىق قامتاماسىز ەتۋ قاجەتتٸلٸگٸ تۋرالى مەلٸمدەدٸ.
مەملەكەت باسشىسى ەلەۋمەتتٸك وسال توپتاعى بالالاردى قولداۋعا ەرەكشە كٶڭٸل بٶلدٸ. ولارعا «تسيفرلىق تەلٸمگەر» جوباسى اياسىندا قوسىمشا ساباقتار الۋ مٷمكٸندٸگٸ بەرٸلەدٸ.
قاشىقتان وقىتۋعا قاراماستان, بٸزدٸڭ وقۋشىلارىمىز ەلەمدٸك شىڭداردى باعىندىرىپ, حالىقارالىق وليمپيادالاردا ٶتكەن جىلدارداعى رەكوردتارىن جاڭارتتى.
دارىندى بالالاردى قولداۋ ٷشٸن پرەزيدەنتتٸڭ تاپسىرماسىنا سەيكەس كونكۋرسقا قاتىسپاي-اق گرانتتار بەرۋ, سونداي-اق بٸرجولعى اقشالاي سىيلىقاقىلار كٶزدەلەتٸن بولادى: التىن مەدال ٷشٸن كەمٸندە 1500 اەك, كٷمٸس مەدال – 1000 اەك, قولا مەدال – 500 اەك ۇسىنىلادى.
سونىمەن بٸرگە حالىقارالىق وليمپيادالاردىڭ جٷلدەگەرلەرٸن دايىنداعان پەداگوگتەردٸ قولداۋ شارالارى كٶزدەلەتٸن بولادى.
سۇرانىسقا يە ماماندىقتار بويىنشا جاستارعا تەحنيكالىق جەنە كەسٸپتٸك بٸلٸم الۋ ٷشٸن كوللەدجدەردە تەگٸن وقىتۋ مٷمكٸندٸگٸ كەڭەيتٸلەدٸ («جاس تالاپ» جوباسى).
پرەزيدەنت سونداي-اق تولىق جيناقتالعان اۋىل مەكتەپتەرٸن جان باسىنا شاققانداعى قارجىلاندىرۋعا كەزەڭ-كەزەڭمەن كٶشٸرۋ جٶنٸندە شارالار قابىلداۋدى تاپسىردى.
ەستەرٸڭٸزگە سالا كەتەيٸن, 2020 جىلدان باستاپ بارلىق قالالىق مەكتەپ جان باسىنا قارجىلاندىرۋعا كٶشتٸ. بۇل شارا ەرتٷرلٸ ٶڭٸرلەردە قارجىلاندىرۋدى تەڭەستٸرۋ, ماتەريالدىق-تەحنيكالىق بازانى جاقسارتۋ, الىم-سالىقتارمەن بايلانىستى تەۋەكەلدەردٸ ەدەۋٸر تٶمەندەتۋ, مەكتەپتەردٸڭ قارجىلىق دەربەستٸگٸن ارتتىرۋ جەنە بيۋدجەت قاراجاتىن جۇمساۋ تيٸمدٸلٸگٸن جاقسارتۋعا مٷمكٸندٸك بەردٸ. بۇل باستاما بٸلٸم بەرۋ جەنە جەكەمەنشٸك مەكتەپتەر اشۋعا جەكە ينۆەستيتسييالاردى تارتۋدى ىنتالاندىردى.
ايتا كەتەيٸن, عىلىم سالاسىندا دا ەلەۋلٸ ٶزگەرٸستەر بولماق.
مەملەكەت باسشىسى جىل سوڭىنا دەيٸن عىلىم تۋرالى زاڭناماعا ٶزگەرٸستەر ەنگٸزۋدٸ تاپسىردى. تٷزەتۋلەر عالىمدارىمىز تۇراقتى جەنە لايىقتى ەڭبەكاقى الۋىن قامتاماسىز ەتۋگە باعىتتالۋى تيٸس. ول ٷشٸن جەتەكشٸ عالىمداردىڭ جالاقىسى بازالىق قارجىلاندىرۋعا قوسىلۋى كەرەك.
سونىمەن قاتار ٸرٸكتەۋ جەنە قارجىلاندىرۋدىڭ ناقتى ەرٸ اشىق كريتەرييلەرٸ مەن ەرەجەلەرٸنٸڭ نەگٸزٸندە ٸرگەلٸ زەرتتەۋلەرمەن اينالىساتىن عىلىمي ينستيتۋتتاردى تٸكەلەي قارجىلاندىرۋدى ەنگٸزۋ قاجەت.
عالىمدارىمىز كٶتەرٸپ كەلە جاتقان مەسەلە – عىلىمي-زەرتتەۋ جۇمىستارىن (عزج) قارجىلاندىرۋ مەرزٸمدەرٸن ۇزارتۋ پروبلەماسى ٶز شەشٸمٸن تابادى. عزج گرانتتىق قارجىلاندىرۋ مەرزٸمٸ ٷش جىلدان بەس جىلعا دەيٸن ۇلعايتىلۋى تيٸس.
عالىمداردى تولعاندىرىپ جٷرگەن تاعى بٸر مەسەلە – عىلىم تۋرالى زاڭ جوباسىندا قاراستىرىلاتىن ۇلتتىق عىلىمي كەڭەسٸنٸڭ شەشٸمدەرٸنە شاعىمدانۋ ينستيتۋتىن ەنگٸزۋ.
بٸز پرەزيدەنتتٸڭ قازاقستان حالقىنا جولداۋىندا قويىلعان بارلىق مٸندەتتٸ ٸسكە اسىرۋ ٷشٸن جوسپارلى جەنە جٷيەلٸ جۇمىستى ورىندايتىن بولامىز.
