فوتو: Pexels.com
قازاقستاندا 8 مىڭعا جۋىق ورتا بٸلٸم بەرۋ ۇيىمىندا 400 مىڭعا جۋىق پەداگوگ جۇمىس ٸستەيدٸ. قر وقۋ-اعارتۋ مينيسترلٸگٸنٸڭ مەلٸمەتٸنشە, ولاردىڭ 300 مىڭعا جۋىعى اتتەستاتسييا قورىتىندىسى بويىنشا بٸلٸكتٸلٸك ساناتتارى ٷشٸن ٷستەمەاقى الادى, دەپ حابارلايدى Ult.kz.
2020 جىلدان باستاپ پرەزيدەنت تاپسىرماسىنا سەيكەس, پەداگوگتەردٸڭ ايلىق ەڭبەكاقىسى 100%-عا ٶستٸ. سونداي-اق 2023 جىلدىڭ قىركۋيەگٸنەن باستاپ مەكتەپكە دەيٸنگٸ بٸلٸم بەرۋ ۇيىمدارىنىڭ تەربيەشٸلەرٸنٸڭ جالاقىسى 30%-عا ارتتى. ال تەحنيكالىق جەنە كەسٸپتٸك بٸلٸم بەرۋ ۇيىمدارىنا كەسٸپورىنداردان تارتىلعان ماماندارعا 30-35 % كٶلەمٸندە ٷستەمەاقى قوسىلدى.
«پەداگوگ مەرتەبەسٸ تۋرالى» زاڭ قابىلدانعاننان كەيٸن, مۇعالٸمدەردٸڭ جالاقىسىنىڭ مٶلشەرٸ بٸلٸمٸنٸڭ, ساناتىنىڭ (شەبەر, زەرتتەۋشٸ, ساراپشى, مودەراتور) دەڭگەيٸنە جەنە ەڭبەك ٶتٸلٸنە, جٷكتەمە كٶلەمٸنە, سونداي-اق ەڭبەك ەتۋ جاعدايىنا بايلانىستى قوسىمشا تٶلەمدەر, اكادەمييالىق دەرەجەسٸنٸڭ بولۋى (10 اەك), تەلٸمگەرلٸك ەتۋٸ, ساباقتان تىس سپورتتىق دەرٸستەر بەرۋٸنە (بازالىق لاۋازىمدى ەڭبەكاقىدان 100%) بايلانىستى قالىپتاسادى.
وسىلايشا, تٷرلٸ ساناتتارىنىڭ بولۋىنا بايلانىستى پەداگوگتەرگە كەلەسٸدەي ٷستەمەاقى تٶلەنەدٸ:
- • پەداگوگ-شەبەر – 50%;
- • پەداگوگ-زەرتتەۋشٸ – 40%;
- • پەداگوگ-ساراپشى – 35%;
- • پەداگوگ-مودەراتور – 30%.
اۋىل مۇعالٸمدەرٸنە ەرەكشە كٶڭٸل بٶلٸنۋدە – ولاردىڭ جالاقىسى قالالىق ەرٸپتەستەرٸنە قاراعاندا, كەمٸندە 25%-عا جوعارى.
2024 جىلدىڭ قورىتىندىسى بويىنشا قازاقستاندا مۇعالٸمنٸڭ ورتاشا ايلىق جالاقىسى 1 مٶلشەرلەمە ٷشٸن (16 ساعات) 352 مىڭ تەڭگە, ال اۋىل مۇعالٸمدەرٸ ٷشٸن 435 مىڭ تەڭگەنٸ قۇرادى. بۇل رەتتە ۇلتتىق بٸلٸم بەرۋ دەرەكتەر بازاسىنىڭ مەلٸمەتٸنشە, ەلٸمٸزدٸڭ پەداگوگتەرٸنٸڭ جارتىسى 1,5 مٶلشەرلەمەمەن (24 ساعات) جۇمىس جاساپ, ايىنا ورتاشا 581 مىڭ تەڭگە جالاقى الادى.
سونىمەن قاتار, قازاقستان بٸلٸم بەرۋ ٸسٸندەگٸ جەتٸستٸكتەرٸ, وليمپيادا جٷلدەگەرلەرٸن دايىنداعانى جەنە مەملەكەتتٸك ناگراداعا يە بولعانى ٷشٸن اقشالاي سىياقىمەن ماراپاتتاۋدى ٷردٸسكە اينالدىرعان ساناۋلى ەلدەردٸڭ بٸرٸ. 2023 جىلى 89 پەداگوگ مەملەكەتتٸك سىياقىنىڭ لاۋرەاتى اتاندى, سىياقى كٶلەمٸ 3,6 ملن تەڭگەنٸ (1000 اەك) قۇرادى. ماراپاتتالۋشىلاردىڭ اراسىندا – ەڭبەك ەرلەرٸ, قازاقستاننىڭ ەڭبەك سٸڭٸرگەن ۇستازدارى, «ٷزدٸك پەداگوگ» بايقاۋىنىڭ جەڭٸمپازدارى بار.
وسىلايشا, سوڭعى بەس جىلدا قازاقستان ايلىق جالاقىنىڭ ٶسۋٸن عانا ەمەس, ٷستەمەاقى تٶلەۋ جەنە ىنتالاندىرۋ جٷيەسٸن قامتاماسىز ەتۋ ارقىلى پەداگوگتەردٸڭ مەرتەبەسٸ مەن قارجىلىق ەلەۋەتٸن كٶتەرۋ باعىتىندا ماڭىزدى باستامالاردى جٷزەگە اسىردى.
