بٷگٸن پارلامەنت سەناتىندا «پەداگوگ مەرتەبەسٸ تۋرالى» زاڭىنىڭ قابىلدانۋىنا بايلانىستى بٸلٸم جەنە عىلىم مينيسترٸ اسحات ايماعامبەتوۆ بۇل سالاعا قانشا قارجى جۇمسالاتىنىن ايتتى, دەپ حابارلايدى قازاقپارات.
«بۇل زاڭدى جٷزەگە اسىرۋعا قوماقتى قارجى جۇمسالماق. ەڭ باستىسى, زاڭناماداعى قادامدار قاجەتتٸ قارجىمەن جەنە تەتٸكتەرمەن قامتىلعانىن, سەيكەسٸنشە, زاڭ ٸس جٷزٸندە جۇمىس ٸستەيتٸنٸن اتاپ ٶتكەن جٶن. 2024 جىلعا دەيٸن زاڭدى ٸسكە اسىرۋعا 5,3 ترلن تەڭگە قاجەت بولادى. بۇل شىنىمەن دە ٶتە قوماقتى سوما. بٷگٸندە مەملەكەت بٸلٸم سالاسىن قولداۋ قاجەتتٸگٸن تٷسٸنٸپ وتىر جەنە تيٸستٸ قادامداردى جاساۋدا», - دەدٸ مينيستر سەناتتا تٸلشٸلەر ساۋالىنا جاۋاپ بەرە وتىرىپ.
بۇدان بۇرىن حابارلانعانداي, سەناتتىڭ جالپى وتىرىسىندا «پەداگوگ مەرتەبەسٸ تۋرالى» زاڭ قابىلداندى.
جالپى, زاڭ جوباسى تٶرت باعىتتى قامتيدى. بٸرٸنشٸدەن, ۇستازداردىڭ قۇقىقتارىن كەڭەيتۋ جەنە ٶزٸنە تەن ەمەس جۇمىستاردان بوساتۋ, ولاردىڭ جٷكتەمەسٸن ازايتۋ. ەكٸنشٸدەن, مۇعالٸمنٸڭ قىزمەتٸنە قويىلاتىن تالاپتاردى كٷشەيتۋ. ٷشٸنشٸدەن, ماتەريالدىق ەمەس ىنتالاندىرۋ تەتٸكتەرٸ, سونداي-اق تٶرتٸنشٸدەن, ماتەريالدى ىنتالاندىرۋ قادامدارى.
«مەملەكەت باسشىسىنىڭ تامىز كونفەرەنتسيياسىندا بەرگەن تاپسىرماسىنىڭ اياسىندا تٶرت جىل ٸشٸندە مۇعالٸمدەردٸڭ ەڭبەكاقىسى ەكٸ ەسە ارتادى. بۇل تۇرعىدان الداعى قاڭتار ايىنان باستاپ پەداگوگتاردىڭ جالاقىسى 25 پايىزعا ٶسەدٸ. دەپۋتاتتاردىڭ قولداۋىمەن وسى بەكٸتٸلگەن بيۋدجەتتە تيٸستٸ قاراجات قاراستىرىلعان. بٸز وسى جۇمىسقا قاڭتاردان باستاپ كٸرٸسۋگە دايىنبىز», - دەدٸ اسحات ايماعامبەتوۆ.
