2022 جىلعى 31 ناۋرىزدا نۇر-سۇلتاندا پرەمەر-مينيستر ەليحان سمايىلوۆتىڭ تٶراعالىعىمەن قر ٷكٸمەتٸ جانىنداعى ەكونوميكانى مونوپوليياسىزداندىرۋ جٶنٸندەگٸ كوميسسييانىڭ ەكٸنشٸ وتىرىسى ٶتتٸ. بۇل تۋرالى ٷكٸمەتتٸڭ رەسمي سايتى حابارلادى.
كوميسسييا وتىرىسىندا پايدالانىلماي جاتقان اۋىل شارۋاشىلىعى ماقساتىنداعى جەرلەردٸ جۇمىس ٸستەپ تۇرعان شارۋا قوجالىقتارىنا بەرۋ جەنە نەگٸزسٸز جەكەشەلەندٸرٸلگەن وبەكتٸلەردٸ مەملەكەت مەنشٸگٸنە بەرۋ تەتٸكتەرٸ مەسەلەلەرٸ قارالدى.
قر اۋىل شارۋاشىلىعى مينيسترٸ ە. قاراشٶكەەۆ جەردٸ ۇتىمدى ەرٸ تيٸمدٸ پايدالانۋ جٶنٸندە بايانداما جاسادى.
ەستەرٸڭٸزگە سالا كەتەيٸك, 2022 جىلعى 3 قاڭتاردا مەملەكەت باسشىسى پايدالانىلمايتىن اۋىل شارۋاشىلىعى جەرلەرٸن مەجبٷرلەپ الىپ قويۋ مەرزٸمٸن 2 جىلدان 1 جىلعا دەيٸن قىسقارتقان زاڭعا قول قويدى. كوسمومونيتورينگ ارقىلى مەملەكەتتٸك باقىلاۋدىڭ جاڭا تەتٸكتەرٸ ەنگٸزٸلدٸ. پايدالانىلماي جاتقان اۋىل شارۋاشىلىعى جەرلەرٸنە سالىق مٶلشەرلەمەسٸ ەكٸ ەسە ٶستٸ.
مينيستردٸڭ ايتۋىنشا, بارلىق ٶڭٸرلەردە دەرلٸك جايىلىم جەرلەر ٶتە ٶزەكتٸ مەسەلە بولىپ وتىر, الايدا 2019-2021 جىلدارى اتقارىلعان جۇمىستاردىڭ نەتيجەسٸندە 8,1 ملن گا پايدالانىلمايتىن نەمەسە ماقساتتى پايدالانىلماي جاتقان اۋىل شارۋاشىلىعى جەرلەرٸ انىقتالدى.
تيٸستٸ شارالاردان كەيٸن وسى كٶلەمنەن 3,4 ملن گا جەر تەلٸمٸن بۇرىنعى مەنشٸك يەلەرٸ يگەرە باستادى. 2,1 ملن گا جەر مەملەكەت مەنشٸگٸنە قايتارىلدى. بٷگٸندە 2,6 ملن گا جەرگٸلٸكتٸ اتقارۋشى ورگانداردىڭ قاراۋىندا.
سونىمەن قاتار 2021 جىلى اۋىل حالقىنا مال جايۋ ٷشٸن جايىلىم جەردٸڭ قاجەتتٸلٸگٸ 21 ملن گا-دان 14 ملن گا-عا دەيٸن, ونىڭ ٸشٸندە ۇيىمداستىرىلعان شارۋاشىلىقتارمەن مەموراندۋمدار جاساسۋ جەنە ەلدٸ مەكەندەردٸڭ شەكاراسىن كەڭەيتۋ ەسەبٸنەن قىسقارتىلدى.
«مەملەكەت باسشىسىنىڭ تاپسىرماسىن ساپالى ەرٸ ۋاقىتىلى ورىنداۋ قاجەت. اۋىل شارۋاشىلىعى مينيسترلٸگٸنە جۇمىستى جانداندىرۋدى تاپسىرامىن. پايدالانىلماي جاتقان اۋىل شارۋاشىلىعى ماقساتىنداعى جەرلەر ناقتى جۇمىس ٸستەيتٸندەرگە بەرٸلۋٸ تيٸس», — دەدٸ ەليحان سمايىلوۆ.
سونداي-اق كوميسسييا وتىرىسىندا قارجى ۆيتسە-مينيسترٸ د. جانالينوۆ جەنە بەسەكەلەستٸكتٸ قورعاۋ جەنە دامىتۋ اگەنتتٸگٸنٸڭ تٶراعاسى س. جۇمانعارين ەكونوميكانى مونوپوليياسىزداندىرۋ مەسەلەسٸ تۋرالى باياندادى.
قر پرەمەر-مينيسترٸ قارجى مينيسترلٸگٸنە مٷددەلٸ مەملەكەتتٸك ورگاندارمەن بٸرلەسٸپ, كەيٸن كەزەكتٸ وتىرىستاردا قاراۋ ٷشٸن نەگٸزسٸز جەكەشەلەندٸرٸلگەن وبەكتٸلەردٸ قايتارۋ تەتٸكتەرٸ بويىنشا تالداۋ جٷرگٸزٸپ, كەلٸسٸلگەن ۇسىنىستار ەزٸرلەۋدٸ تاپسىردى.
