پاۆلودار قالاسىنىڭ 27 جاستاعى تۇرعىنى, جەتٸم ٶسكەن مارينا حارچۋك مەملەكەت باسشىسى قاسىم-جومارت توقاەۆقا بەينەٷندەۋ جولداپ, ەلەۋمەتتٸك باسپانا الۋ مەسەلەسٸن شەشۋگە كٶمەكتەسۋٸن سۇرادى, دەپ حابارلايدى ult.kz.
مارينانىڭ ايتۋىنشا, ول بالا كەزٸنەن, ياعني 2008 جىلدان بەرٸ ەلەۋمەتتٸك باسپانا كەزەگٸندە تۇرعان. 18 جىل كٷتكەننەن كەيٸن وعان 81 شارشى مەتر بولاتىن ەكٸ بٶلمەلٸ پەتەر بٶلٸنەتٸنٸ تۋرالى SMS-حابارلاما كەلگەن. الايدا كٶپ ۇزاماي بۇل شەشٸمنٸڭ كٷشٸ جويىلعان.
وعان باسپانا بەرۋدەن باس تارتۋعا وتباسىنىڭ تابىسى بەلگٸلەنگەن شەكتەن اسىپ كەتكەنٸ سەبەپ بولعان.
مارينا «قامقور ۆاگون» كومپانيياسىندا التى جىلدان بەرٸ جۇمىس ٸستەيدٸ. اي سايىن شامامەن 300 مىڭ تەڭگە جالاقى الادى. جولداسىنىڭ دا تابىسى شامالاس. وسىلايشا وتباسىنىڭ جالپى ايلىق كٸرٸسٸ شامامەن 600 مىڭ تەڭگەنٸ قۇرايدى.
الايدا ەيەلدٸڭ سٶزٸنشە, بۇل قاراجات باسپانا جالداۋ اقىسىنا, بالاباقشا تٶلەمٸنە, ازىق-تٷلٸككە جەنە باسقا دا كٷندەلٸكتٸ قاجەتتٸلٸكتەرگە جۇمسالادى. سوندىقتان وتباسىنىڭ ٶز باسپاناسىن ساتىپ الۋعا مٷمكٸندٸگٸ جوق.
مارينا مەملەكەت بەلگٸلەگەن تابىس شەگٸنٸڭ وتباسىنىڭ ناقتى قارجىلىق جاعدايىن تولىق كٶرسەتپەيتٸنٸن ايتىپ, مەسەلەگە نازار اۋدارۋدى سۇرادى.
ول مەملەكەت باسشىسىنان ەلەۋمەتتٸك باسپانا الۋ قۇقىعىن قايتا قاراۋعا جەنە باسپانا مەسەلەسٸن شەشۋگە ىقپال ەتۋدٸ ٶتٸندٸ.
