پاۆلودار قالاسىنداعى «جاس دارىن» مامانداندىرىلعان مەكتەبٸنٸڭ 11-سىنىپ وقۋشىسى الار بەرٸكۇلى قولجازبانى تسيفرلىق فورماتقا كٶشٸرەتٸن قوسىمشا جاساپ شىعاردى, دەپ حابارلايدى Pavlodarnews.kz سايتى.
كارانتين ۋاقىتىندا قاشىقتان وقىپ, عىلىمي ٸزدەنٸستەرٸن دامىتقان جاس ٶنەرتاپقىش سول ارقىلى مەكتەپ ارحيۆٸن تسيفرلاندىرۋعا ٷلەس قوسۋعا تىرىسقان.
«Android جٷيەسٸنە ارنالعان باعدارلاما ەكٸ اي ٸشٸندە Java پلاتفورماسىندا OpenCV جەنە DL4J اشىق كٸتاپحانالارى نەگٸزٸندە جاسالدى. مەنٸ نەيروندىق جەلٸلەر قىزىقتىرادى. باسىندا Java ارقىلى جاڭادان نەيروندىق جەلٸ قۇراستىرعان ەدٸم. الايدا ونداعى ٷيرەنۋ مەن بولجاۋ جىلدامدىعى تٶمەن بولعاندىقتان, جۇمىستى DL4J-عا كٶشٸردٸم», - دەيدٸ الار بەرٸكۇلى.
جاساندى ينتەللەكت سالاسىندا جاڭالىق اشۋدى ماقسات تۇتقان وقۋشىعا تورايعىروۆ ۋنيۆەرسيتەتٸنٸڭ دوتسەنتٸ دارييا ەبٸكەنوۆا كٶمەكتەسكەن.
باعدارلامانىڭ جۇمىس پرينتسيپٸنە كەلسەك, اتالعان موبيلدٸك قوسىمشا قازاق تٸلٸندەگٸ قولجازبالاردى سكانەرلەپ, ونى ەلەكتروندىق فورماتقا كٶشٸرەدٸ. سول ارقىلى ەسكٸ قۇجاتتار مەن حاتتاردى قايتا تەرۋدٸڭ قاجەتٸ بولمايدى.
«باعدارلامانى ەلٸ دامىتۋعا بولادى. مىسالى, دەرٸگەر رەتسەپتٸن وقىعان ادامدار مەديتسينالىق تەرميندەردٸ ٸزدەپ ەۋرە بولادى. باعدارلاما بٶلەك جازىلعان سٶزدەردٸ عانا تاني الادى. بٸراق كەيبٸر ادامدار ولاي جازبايدى. سول سەبەپتٸ قولجازبا مەتٸن مەن رەككۋرەنتتٸ نەيروندىق جەلٸنٸ بٸرٸكتٸرۋ ارقىلى كەز كەلگەن قولجازبانى ەركٸن تاني الاتىن جٷيە جاساۋعا بولادى», - دەيدٸ الار بەرٸكۇلى.
11-سىنىپ وقۋشىسىنىڭ ۇستازى ايدار شايحيموۆ ايتىپ ٶتكەندەي, قوسىمشا تولىعىمەن ەزٸر بولىپ, پاتەنت الىنعاننان سوڭ Play Market-تە ورنالاستىرىلادى. ايتۋىنشا, «جاس دارىن» مەكتەبٸنٸڭ وقۋشىلارى ودان بٶلەك, ە-كٸتاپحانا جەنە ە-اسحانا باعدارلامالارىن جاساعان. ولارعا باسقا مەكتەپتەر دە قىزىعۋشىلىق تانىتۋدا.
قازاقستاننىڭ عىلىمىنا ٷلەس قوسۋعا بەكٸنگەن الار بەرٸكۇلى الداعى ۋاقىتتا IT نەمەسە نەيروندىق جەلٸلەر سالاسىندا ٸزدەنٸستەرٸن جالعاستىرۋعا نيەتتٸ.
