ەڭبەك نارىعىن تەڭەستٸرۋ باعىتىندا قولعا الىنعان مەملەكەتتٸك جوبا بويىنشا وڭتٷستٸك قازاقستان وبلىسىنىڭ ماقتارال اۋدانىنا پاۆلودارلىق دەلەگاتسييا كەلدٸ.
لەبياجٸ, جەلەزين اۋداندارىنىڭ باسشىلارى مەن جۇمىسپەن قامتۋ, ەلەۋمەتتٸك باعدارلامالار بٶلٸمدەرٸنٸڭ ٶكٸلدەرٸ مىرزاشٶلدٸكتەرگە جوبانىڭ تيٸمدٸ تۇستارىن ايتتى. سولتٷستٸك وبلىستاردا بەلسەندٸ ەڭبەك ەتۋگە شاقىردى, دەپ حابارلايدى ۇلت.كز تٸلشٸسٸ.
بوس جۇمىس ورىندارى شارباقتى اۋداندىق ورتالىق اۋرۋحاناسى مەن بٸلٸم ۇيالارىنان دا ۇسىنىلدى. جالپى, جيىن وقۋ ورنىن بٸتٸرٸپ, جۇمىس تابا الماي قينالعان جاستار مەن جاس وتباسىلارعا تيٸمدٸ بولدى. پاۆلودارلىق دەلەگاتسييا ونداعى مەكتەپتەردە تٸپتٸ, وقۋشى دا تاپشى ەكەنٸن جاسىرمادى. مەسەلەن, 11-شٸ سىنىپتى بٸتٸرگەن تٷلەكتەردٸڭ ٶزٸ رەسەي اسىپ, سول جاقتىڭ جوعارى وقۋ ورىندارىنا تٷسٸپ جاتىر. قايتىپ كەلۋگە دە قۇلىق تانىتپايدى ەكەن. سوندىقتان سولتٷستٸك وبلىستا يگەرەتٸن ٸس تە, جەر دە جەتەدٸ. باسپانا دا قىمبات ەمەس. 200-800 مىڭ تەڭگەنٸڭ ارالىعىندا, - دەدٸ بٶلٸم باسشىلارى.
«بٸز مۇندا جاس مامانداردى شاقىرۋعا كەلدٸك. ٶيتكەنٸ, بٸزدە اعىلشىن تٸلٸ مۇعالٸمٸ, ماتەماتيكا, قازاق تٸلٸ, تاريح پەندەرٸنٸڭ مۇعالٸمدەرٸ مەن تەربيەشٸلەر جەتكٸلٸكسٸز. سوندىقتان, بٸزدٸڭ اۋداندا كەلگەن كٸسٸلەردٸ قۋانا كٷتەمٸز. ەر مۇعالٸمگە ٷي بەرٸلەدٸ. ول ورىندارعا جانۇيامەن كەلە مە? سول جانۇيالارىنا ەر كٸسٸنٸڭ ٶزٸنە كٶمەك كٶرسەتٸلەدٸ. ول كٸسٸلەردٸ اپارعاننان كەيٸن تٷگەل جاعدايلارىن جاسايمىز», - دەدٸ اقتوعاي اۋداندىق بٸلٸم بٶلٸمٸنٸڭ باس مامانى سالتانات سىزدىقوۆا.
جالپى, ەڭبەك نارىىىعىن تەڭەستٸرٸپ, سولتٷستٸك وبلىس حالقىن 5 ميلليونعا جەتكٸزۋ - الداعى 20 جىلدىڭ مەجەسٸ. بۇل باعىتتا مەملەكەتتەن قولداۋ كٶپ. جول شىعىنى, جاتىن ورىن - بەرٸ قاراستىرىلعان. سول ماقساتتا سولتٷستٸك وبلىسىنىڭ دەلەگاتسييا مٷشەلەرٸ اۋدان, اۋىلداردى ارالاپ, جاس مامانداردى جۇمىسقا شاقىرۋدا.
