پاۆلوداردا ٶرت سٶندٸرۋ كٶلٸگٸ مەن مەكتەپ اۆتوبۋسى سوقتىعىسقان جول اپاتىنا بٸلٸم باسقارماسى تٷسٸنٸك بەردٸ, دەپ حابارلايدى قازاقپارات.
«كۋەگەرلەردٸڭ ايتۋىنشا, اۆتوبۋس جٷرگٸزۋشٸسٸ جول ەرەجەسٸن بۇزباي, باعدارشامنىڭ جاسىل تٷسٸندە قوزعالعان. ٶرت سٶندٸرۋ ماشيناسى ارنايى دىبىستىق سيگنالىن قوسپاستان باعدارشامنىڭ قىزىل تٷسٸنە ٶتكەن», - دەپ مەلٸمدەدٸ پاۆلودار وبلىستىق بٸلٸم باسقارماسىنان.
بٸلٸم باسقارماسىنىڭ مەلٸمەتٸنشە, اپات بولعان كەزدە اۆتوبۋستا 15 وقۋشى: №2 مەكتەپتٸڭ 10 وقۋشىسى, №43 مەكتەپتٸڭ 5 وقۋشىسى بولعان. 8 وقۋشى وبلىستىق بالالار اۋرۋحاناسىنا مەديتسينالىق تەكسەرۋ ٷشٸن جەتكٸزٸلگەن.
«اۆتوبۋستا وتىرعان بالالارعا مەديتسينالىق كٶمەك كٶرسەتٸلٸپ جاتىر. ولاردىڭ دەنساۋلىعىنا ەش قاۋٸپ تٶنٸپ تۇرعان جوق. 3 بالا اۋرۋحانعا جاتقىزىلدى, قالعانى ٷيلەرٸندە», - دەدٸ باسقارمادان.
ەسكە سالايىق, بٷگٸن ساعات 14:15-تە ەلگين مەن ششەدرين كٶشەلەرٸنٸڭ قيىلىسىندا «كاماز» ماركالى ٶرت سٶندٸرۋ كٶلٸگٸ «پاز-32053-70» ماركالى مەكتەپ اۆتوبۋسىمەن سوقتىعىسقان. اۆتوبۋس تۇراقتا تۇرعان «Volkswagen» جەڭٸل اۆتوكٶلٸگٸنە سوعىلعان.
كەيٸنٸرەك تجد ەلگين كٶشەسٸ بويىمەن كەلە جاتقان اۆتوتسيستەرنانىڭ كٶك نەمەسە قىزىل تٷستٸ جارقىلداۋىق ماياگىن جەنە ارنايى دىبىس سيگنالىن ٸسكە قوسقانىن اتاپ ٶتتٸ. ٶرت سٶندٸرۋ كٶلٸگٸ باعدارشامنىڭ قىزىل تٷسٸ جانعاندا جٷرٸپ كەلە جاتقان. ششەدرين كٶشەسٸندەگٸ پاز اۆتوبۋسى وعان جول بەرمەستەن قوزعالىسىن جالعاستىرىپ, ٶرت سٶندٸرۋ كٶلٸگٸن سوققان.
