بٸلٸم جەنە عىلىم مينيسترٸ اسحات ايماعامبەتوۆ پاۆلوداردا ٶرتەنگەن مەكتەپ تۋرالى پٸكٸر بٸلدٸردٸ, دەپ حابارلايدى قازاقپارات.
«مۇنىڭ بٸرٸنشٸ جاعداي ەمەستٸگٸن ايتۋ كەرەك. سوندىقتان بٸز بارلىق وقىتۋ ۇيىمدارىنا تولىق تەكسەرۋ جٷرگٸزۋدٸ تاپسىردىق. سەبەبٸ ٶرتكە قارسى شارالار ساقتالۋى تيٸس. مەكتەپ پايدالانۋعا بەرٸلگەندە, جٶندەۋدەن كەيٸن جەنە جاڭا وقۋ جىلى باستالار الدىندا مٸندەتتٸ تٷردە اكتٸلەر بولۋى كەرەك. ونىڭ ٸشٸندە ٶرتكە قارسى قىزمەتتەردەن دە بولۋى قاجەت. سوندىقتان, مەنٸڭ ويىمشا, مۇنداي انىقتامالار مەن اكتٸلەر بولدى, ەندٸ ٶرتتٸڭ نەدەن تۋىنداعانىن بٸلۋ ٷشٸن تەرگەۋ جٷرگٸزٸلەتٸن بولادى. مەندە بار اقپاراتقا سەيكەس, كٷيٸك العاندار مەن زارداپ شەككەندەر جوق. تەك بٸر مۇعالٸم وسى جاعدايعا بايلانىستى پسيحولوگييالىق پروبلەماعا ۇشىرادى. وعان پسيحولوگييالىق كٶمەك كٶرسەتٸلٸپ جاتىر», - دەدٸ اسحات ايماعامبەتوۆ سەناتتا تٸلشٸلەرگە بەرگەن سۇحباتىندا.
سونىمەن بٸرگە, بٸلٸم مينيسترٸ وقۋشىلاردىڭ ساباقتى قالاي جالعاستىراتىنىن ايتىپ بەردٸ.
«قازٸر عيماراتتىڭ ٶزٸنە تولىق تەكسەرۋ جٷرگٸزٸلەدٸ. تيٸستٸ قىزمەتتەر ٶرتتٸڭ سەبەبٸن انىقتايدى. ەگەر ەرٸ قاراي وقۋعا ەش قاۋٸپ بولماسا, بالالار وقۋىن جالعاستىرا الادى. ەزٸرگە ولار ۋاقىتشا قاشىقتان وقي الادى. ال عيماراتتىڭ جارامسىز ەكەنٸ انىقتالسا, ەكٸمدٸك بۇل بالالاردىڭ وقۋىن باسقا ۇيىمداردا جالعاستىرۋ شارالارىن قاراستىرادى», - دەدٸ ول.
