فوتو اشىق دەرەككٶزدەن
پاۆلودارداعى 10 مىڭنان استام ادام تۇراتىن لەنين كەنتٸنٸڭ اتاۋى ٶزگەردٸ. كەنت تۇرعىندارى اتامەكەن دەگەن اتاۋدى تاڭداعان, - دەپ حابارلايدى "ۇلت اقپارات" pavlodarnews.kz سايتىنا سٸلتەمە جاساپ.
پاۆلودارعا قاراستى لەنين كەنتٸنٸڭ مەدەنيەت ٷيٸندە كەنت اتاۋىن ٶزگەرتۋ بويىنشا قوعامدىق تىڭداۋ ٶتتٸ. كەنت ەكٸمٸ مارجان الشىمباەۆانىڭ ايتۋىنشا, توقسان سايىن تۇرعىندارمەن كەزدەسۋ ٶتٸپ تۇرادى. سول كەزدەسۋلەردە كەنتتٸڭ اتاۋىن ٶزگەرتۋ تۋرالى ٶتٸنٸش جيٸ تٷسٸپ تۇرعان.
بيىل بٸرقاتار تۇرعىننان قالا ەكٸمٸ مەن وبلىس ەكٸمٸنە كەنتتٸڭ اتاۋىن ٶزگەرتۋ تۋرالى ٶتٸنٸش تٷسكەن. سودان كەيٸن 1 اي بۇرىن وبلىستىق گازەتتەردە 29 سەۋٸردە قوعامدىق تىڭداۋ ٶتەتٸنٸ تۋرالى حابارلاما تاراتىلعان.
"وعان دەيٸن جەرگٸلٸكتٸ تۇرعىندارمەن جيىندار ٶتتٸ. اقپاراتتاندىردىق. توپتار قۇرىلدى. كٶپ ۇسىنىس تٷستٸ. 20-عا جۋىق اتاۋ ۇسىنىلدى. دەگەنمەن جەرگٸلٸكتٸ تۇرعىندارمەن ٶتكەن جيىنداردا 7 ۇسىنىس ٸرٸكتەلدٸ. وعان قازانعاپ, بيدايىق, اتامەكەن, ىنتىماق, قازىنا, جەتٸنشٸ اۋىل اتاۋلارى جەنە اتاۋدى ٶزگەرتپەۋ نۇسقاسى كٸردٸ. ودان كەيٸن بٷگٸنگٸ قورىتىندى جيىندا ەكٸ اتاۋ: قازانعاپ بي جەنە اتامەكەندٸ قاراستىرۋ تۋرالى شەشٸم قابىلداندى", - دەدٸ مارجان الشىمباەۆا.
قوعامدىق تىڭداۋعا كەنت تۇرعىندارى, جەرگٸلٸكتٸ قوعامداستىق مٷشەلەرٸ, جاقىن اۋىلدارداعى جەنە قالاداعى اۋىلدىڭ تۋمالارى, اۋىلعا قاتىسى جوق ادامدار دا كەلدٸ. جينالعانداردىڭ پٸكٸرٸ تىڭدالدى. الايدا شەشٸمدٸ جەرگٸلٸكتٸ قوعامداستىق مٷشەلەرٸ شىعاردى.
داۋىس بەرۋگە جەرگٸلٸكتٸ قوعامداستىقتىڭ 50 مٷشەسٸ قاتىسىپ, 49 ادام اتامەكەن اتاۋىنا داۋىس بەردٸ. ەندٸ زاڭناما بويىنشا اتاۋدى ٶزگەرتۋ جۇمىسىنا 3-6 اي ۋاقىت جۇمسالادى.
قوعامدىق تىڭداۋدا سٶز سٶيلەگەن كەنت تۇرعىنى زاڭعار ەربول ٸرٸ تۇلعالاردىڭ اتىمەن مەكەمەلەردٸ اتاعان جٶن ەكەنٸن ايتتى.
"مەن وسى ماڭداعى جولقۇدىق اۋىلىندا تۇرعانمىن. سول اۋىلدىڭ مەشٸتٸنٸڭ اتاۋى قازانعاپ بيدٸڭ اتىندا. قادٸرلٸ تۇلعالارىمىزدىڭ اتى سونداي قاسيەتتٸ جەرلەرگە, مەكەمەلەرگە بەرٸلسە دەپ ويلايمىن. ٶيتكەنٸ ۇلى كٸسٸلەردٸ ۇلىقتاۋ كەرەك. ال اۋىلدىڭ اتىن بٸرەۋ ماقتايدى, بٸرەۋ داتتايدى, بٸرەۋ بوقتايدى. اتاڭدى بوقتاتقانشا, اتىن مەدەني وشاقتارعا بەرگەن جٶن. سوندىقتان اتامەكەن اتاۋىن قولدايمىن", - دەدٸ زاڭعار ەربول.
ال قايىربەك مۇحامەديياروۆ - وسى كەنتتٸڭ تۋماسى. قازٸر دە وسى جەردە تۇرىپ جاتىر. ول دا جيىندا اتامەكەن اتاۋىن قولدايتىنىن ايتتى.
"ەركٸم ٶز اتاسىن ماقتايدى. سوندا بٸز قايدا بارامىز. قازانعاپ اتامىزدى تٷسٸنٸپ وتىرمىز. ٷلكەن تۇلعا بولعان. بٸراق ەلدٸ بٸرٸكتٸرۋ ٷشٸن اتامەكەن اتالۋى كەرەك. مەن وسىندا تۋىپ, وسىندا تۇرىپ جاتىرمىن. مەنٸڭ كٶرشٸم ديما اۋىلدا 1 جىل عانا تۇرادى. بٸراق ەكەۋٸمٸزدٸڭ قۇقىعىمىز بٸردەي. بٸزدٸڭ بالالارىمىز, نەمەرەلەرٸمٸز بٸرگە وينايدى. بٸراز ۋاقىت ٶتەدٸ, ونىڭ بالالارى مٸنە مەنٸڭ اتامەكەنٸم دەيتٸن بولادى. سوندىقتان اتامەكەن اتاۋى بولۋعا تيٸس", - دەدٸ قايىربەك مۇحامەديياروۆ.
ايتا كەتەيٸك, لەنين كەنتٸندە 10 مىڭنان استام ادام, ونىڭ ٸشٸندە 20-دان استام ۇلت جەنە ۇلىس ٶكٸلٸ تۇرادى.
