پاۆلوداردا ٷش جٸگٸت جاستار ٷيٸنٸڭ كەمەلەتكە تولماعان تەربيەلەنۋشٸسٸن زورلاعان. وقيعادان كەيٸن 16 جاستاعى قىز 10 قاباتتى ٷيدٸڭ تەرەزەسٸنەن سەكٸرٸپ كەتكەن. پاۆلودارلىق قىز اعاشتارعا قۇلاپ, تٸرٸ قالعان. قازٸر ول اۋرۋحانادا جاتىر, - دەپ حابارلايدى Tengrinews.kz اگەنتتٸگٸ.
دينا تاڭسەرٸ وقيعا تۋرالى Facebook-پاراقشاسىندا ايتىپ بەردٸ. قوعام بەلسەندٸسٸنٸڭ ايتۋىنشا, وعان جەبٸرلەنۋشٸنٸڭ ەپكەسٸ كٶمەك سۇراپ جٷگٸنگەن, ەكەۋٸ دە جەتٸم.
"سول كٷنٸ قىز تۋعان كٷندٸ تويلاپ جاتقان توپتا بولعان. كەيٸن ٶزٸن جايسىز سەزٸنٸپ, ەپكەسٸنە قايتۋدى ۇيعارعان. بٸراق قالانى بٸلمەي, اداسىپ قالعان. جولدا ٷش جٸگٸتتٸ كەزدەستٸرٸپ, ولاردىڭ بٸرٸ ەپكەسٸنٸڭ سىنىپتاسى بولىپ شىققان, ول قىزدى بٸرگە جٷرۋگە كٶندٸرٸپ, تاكسي شاقىرىپ, ونى ەپكەسٸنە جەتكٸزۋگە ۋەدە بەرگەن. ال, سودان كەيٸنگٸسٸ قورقىنىشتى تٷستەي بولعان. ەپكەسٸ ونى ٸزدەپ قوڭىراۋ شالعان, بٸراق تەلەفوندى جٸگٸتتەر ٶشٸرٸپ قويعان. بويجەتكەندٸ الداپ پەتەرگە كٸرگٸزٸپ, زورلاعان, ول شىداي الماي, 10 قاباتتى ٷيدٸڭ تەرەزەسٸنەن سەكٸرٸپ كەتكەن", - دەپ جازدى تاڭسەرٸ.
ونىڭ ايتۋىنشا, كەمەلەتكە تولماعان قىز ۇزاق ۋاقىت جانساقتاۋ بٶلٸمٸندە بولعان. قازٸر ول پالاتاعا اۋىستىرىلعان.
"ونىڭ ومىرتقاسى سىنعان, ٸشكٸ اعزالارى زاقىمدانعان, سالدارىنان ٸشكٸ ورگانداردا قابىنۋ پروتسەسٸ بار, بۇل ميداعى پروتسەستەرگە ەسەر ەتەدٸ - ول كٶرۋ جەنە ەستە ساقتاۋ قابٸلەتٸن تەز جوعالتادى. قىزعا تٶرت وتا جاسالدى, الدا تاعى جاسالادى", - دەيدٸ قوعام بەلسەندٸسٸ.
پاۆلودار وبلىستىق پوليتسييا دەپارتامەنتٸ باسپاسٶز قىزمەتٸ مەلٸمەتٸنشە, قازٸردٸڭ ٶزٸندە زورلادى دەگەن كٷدٸكتٸلەر ۇستالعان.
"پاۆلودارداعى كەمەلەتكە تولماعان قىزدى زورلاۋ ٸسٸ وبلىستىق پوليتسييا دەپارتامەنتٸ باسشىلىعىنىڭ ەرەكشە باقىلاۋىندا. كٷدٸكتٸلەر ۇستالدى. كەمەلەتكە تولماعان بالانى زورلاۋ فاكتٸسٸ بويىنشا قر قك-نىڭ 120-بابى 3-1-بٶلٸگٸ "كەمەلەتكە تولماعان ادامعا قاتىستى زورلاۋ", 121-بابى 3-1-بٶلٸگٸ "كەمەلەتكە تولماعان ادامعا قاتىستى سەكسۋالدىق سيپاتتاعى زورلىق-زومبىلىق ەرەكەتتەرٸ" جەنە 105-بابى "ٶزiن-ٶزi ٶلتiرۋگە دەيiن جەتكiزۋ" بويىنشا سوتالدى تەرگەپ-تەكسەرۋلەر جٷرگٸزٸلٸپ جاتىر. بٸرقاتار قاجەتتٸ ساراپتاما تاعايىندالدى", - دەپ تٷسٸندٸردٸ ۆەدومستۆونىڭ باسپاسٶز قىزمەتٸ ٶكٸلدەرٸ.
ايتا كەتەيٸك, 120 جەنە 121-باپتاردىڭ سانكتسيياسىندا بەلگٸلٸ بٸر لاۋازىمداردى اتقارۋ نەمەسە بەلگٸلٸ بٸر قىزمەتپەن اينالىسۋ قۇقىعىنان ٶمٸر بويىنا ايىرا وتىرىپ, 15 جىلدان 17 جىلعا دەيٸن باس بوستاندىعىنان ايىرۋ كٶزدەلگەن.
