«Daimler Benz» كٶلٸگٸنٸڭ 23 جاستاعى جٷرگٸزۋشٸسٸنە قاتىستى ەكٸ باپ بويىنشا ٸس قوزعالدى. وعان ايىپپۇل سالىنىپ, كٶلٸگٸ ايىپ تۇراعىنا قويىلدى, دەپ حابارلايدى "ۇلت اقپارات".
«26 ناۋرىز كٷنٸ ساعات 15.00-دە پاۆلودار قالاسىندا جٷرگٸزۋشٸ كٶلٸگٸمەن لوموۆ كٶشەسٸندەگٸ 154/4 ٷيدٸڭ اۋلاسىندا جٷرٸپ كەلە جاتىپ, وندا كەمەلەت جاسىنا جەتپەگەن جاياۋ جٷرگٸنشٸنٸ قاعىپ كەتكەن. جٷرگٸزۋشٸ وقيعا ورنىنان ٸزٸن سۋىتتى», - دەپ باياندادى پاۆلودار وبلىستىق پوليتسييا دەپارتامەنتٸ جەرگٸلٸكتٸ پوليتسييا قىزمەتٸ باستىعىنىڭ ورىنباسارى قۋانىش مۇستافينوۆ.
ونىڭ ايتۋىنشا, جاياۋ جٷرگٸنشٸ اۋرۋحاناعا مەديتسينالىق كٶمەك سۇراپ كەلگەن.
ونىڭ دەنساۋلىعىنا كەلگەن زييان اۋىرلىعىنىڭ دەڭگەيٸن انىقتاۋ ٷشٸن سوت-مەديتسينالىق ساراپتاما تاعايىندالدى.
ايماقتىق پد باسپاسٶز قىزمەتٸنەن پوليتسييا قىزمەتكەرلەرٸنٸڭ جاقىن ماڭداعى ٷيلەر مەن كٸرەبەرٸستەردە ورناتىلعان بەينەتاسپا جازبالارىن قاراپ شىققانىن, وقيعا ورنىنان كەتٸپ قالعان جٷرگٸزۋشٸنٸ تابۋ ٷشٸن ٸزدەۋ شارالارىن ٶتكٸزگەنٸن قوسىپ ٶتتٸ.
«28 ناۋرىزدا پوليتسييا جٷرگٸزۋشٸ مەن «Daimler Benz» كٶلٸگٸن انىقتادى. 23 جاستاعى جٷرگٸزۋشٸگە قاتىستى قر ەكٸمشٸلٸك قۇقىق بۇزۋ كودەكسٸنٸڭ 610, 611 باپتارى بويىنشا ەكٸمشٸلٸك ٸس قوزعالدى, ايىپپۇل سالىندى. كٶلٸك ايىپ تۇراعىنا قويىلدى», - دەدٸ قۋانىش مۇستافينوۆ.
