پاۆلوداردا سوت ٸشٸمدٸك ٸشٸپ رٶلگە وتىرعان ەيەلدٸ كٶلٸك جٷرگٸزۋ قۇقىعىنان ايىردى, بٸراق قاماۋعا المادى, دەپ حابارلادى Sputnik وبلىستىق پوليتسييا دەپارتامەنتٸنٸڭ باسپاسٶز قىزمەتٸنە سٸلتەمە جاساپ.
جەلتوقسان تٷندەرٸنٸڭ بٸرٸندە ەستاي كٶشەسٸندە پاترۋلدٸك پوليتسەيلەر 38 جاستاعى ەيەل جٷرگٸزٸپ كەلە جاتقان Hyundai كٶلٸگٸن توقتاتقان. پوليتسييانىڭ مەلٸمەتٸنشە, ودان الكوگولدٸڭ يٸسٸ شىققان, سوعان بايلانىستى پوليتسەيلەر ەيەلدٸ مەديتسينالىق ايعاقتاۋ ورنىنا جەتكٸزگەن.
ول جەردە ەيەل جٷرەگٸنٸڭ اۋىرىپ تۇرعانىن ايتىپ, جەدەل جەردەم شاقىرۋدى ٶتٸنگەن. شاقىرۋعا كەلگەن مەديتسينا قىزمەتكەرلەرٸ ونى تەكسەرگەن سوڭ, جٷرەگٸندە ەشقانداي سىرقات بولماعاندىقتان اۋرۋحاناعا جاتقىزۋدان باس تارتقان.
"ەيەلدٸڭ جەڭٸل دەرەجەدە ماس ەكەنٸ انىقتالعاننان كەيٸن ول تاكسيگە وتىرىپ, قاشىپ كەتپەك بولدى. بٸراق ونى پوليتسەيلەر ۇستادى. اتالعان فاكتٸ بويىنشا ەكٸمشٸلٸك قۇقىق بۇزۋشىلىق تۋرالى كودەكستٸڭ 608-بابى بويىنشا ەكٸمشٸلٸك ٸس قوزعالدى", - دەدٸ جەرگٸلٸكتٸ پوليتسييا قىزمەتٸ باستىعىنىڭ ورىنباسارى قۋانىش مۇستافينوۆ.
پاۆلودار قالاسىنىڭ ەكٸمشٸلٸك قۇقىق بۇزۋشىلىق ٸستەرٸ جٶنٸندەگٸ مامانداندىرىلعان سوتى ەيەلدٸ 7 جىلعا جٷرگٸزۋشٸ كۋەلٸگٸنەن ايىردى. بٸراق ول سوتقا جٷكتٸلٸگٸ تۋرالى انىقتاما بەرگەندٸكتەن, ەكٸمشٸلٸك قاماۋعا الىنبادى.
بيىل تەرتٸپ ساقشىلارى ماس بولىپ رٶلگە وتىرعان 1462 جٷرگٸزۋشٸنٸ ۇستادى, ونىڭ 256-سى بۇرىن جٷرگٸزۋشٸ كۋەلٸگٸنەن ايىرىلىپ, قايتادان كٶلٸك تٸزگٸنٸنە وتىرعان.
