پاۆلوداردا ەر ادام ەيەلٸنە شابۋىل جاساپ, پىشاقتاپ تاستادى. ەيەل بەس جەرٸنەن پىشاق جاراقاتىن العان, ونىڭ ەكەۋٸ باسى مەن بەتٸندە. قازٸر ول اۋرۋحانادا جاتىر. پوليتسييا وقيعانىڭ مەن-جايىن انىقتاپ جاتىر, - دەپ حابارلايدى Tengrinews.kz اگەنتتٸگٸ.
جەبٸرلەنۋشٸ ٷش كٸشكەنتاي بالانىڭ اناسى, ولاردىڭ ەڭ كٸشٸسٸ التى ايلىق. پاۆلودارلىق ەيەلدٸڭ ايتۋىنشا, جۇمىستان قايتىپ كەلە جاتقاندا كٷيەۋٸ وعان شابۋىل جاساعان.
"17 قاراشادا كٷندٸز كٷيەۋٸم جاسىرىن نٶمٸردەن قوڭىراۋ شالىپ, مەنٸ ٶلتٸرەمٸن دەپ قورقىتتى. كەشكە جۇمىستان شىعىپ, ٷيگە بارۋ ٷشٸن ەكەمنٸڭ كەلۋٸن كٷتٸپ, كٶشەدە كەلە جاتقانمىن. كٷيەۋٸم اڭدىپ, ارتىمنان ەرگەن. ەپكەممەن تەلەفون ارقىلى سٶيلەسٸپ كەلە جاتقان ەدٸم, كەنەت باسىما سوققى تيگەنٸن سەزدٸم. بۇرىلىپ, قارسىلاسا باستادىم, ول بەتٸمدٸ كەسٸپ جٸبەردٸ, سوسىن يىعىما جەنە سول قولىما پىشاق سۇعا باستادى. تەلەفونعا مەنٸ ٶلتٸرگەلٸ جاتىر دەپ ايقايلادىم, ول پىشاقتى قالتاسىنا سالىپ, كەتٸپ قالدى. كٶپ قان جوعالتىپ, ٶلٸپ قالا جازدادىم", – دەيدٸ 30 جاستاعى ايدانا ەبدٸراحمانوۆا.
ول ٶزٸ پوليتسيياعا حابارلاسىپ, جەدەل جەردەم شاقىرۋدى ٶتٸنگەن. بٸر اپتا بۇرىن ەر ادام ٷيگە ماس بولىپ كەلٸپ, جانجال شىعارىپ, زاتتارىن جيناپ, كەتٸپ قالعان.
"كٷيەۋٸم قورعاۋ نۇسقاماسىن بۇزدى, سوت وعان ايىپپۇل سالدى. 7 قاراشادا مەن اجىراسۋعا ارىز بەردٸم. وسى ۋاقىت بويى ماعان تىنىم بەرمەدٸ. پوليتسيياعا باردىم, تٶرت ارىز جازدىم, ۋچاسكەلٸك پوليتسييا ولاردى قابىلدادى, بٸراق ەشقانداي قورعاۋ بولعان جوق. 10 قاراشادا جۇمىستان كەلە جاتقانىمدا كٷيەۋٸم ماعان شابۋىل جاساپ, بٸرنەشە رەت بەتٸمنەن ۇردى", - دەيدٸ ەيەل.
پاۆلودارلىق سوت-مەديتسينالىق ساراپتامادان ٶتكەن. بٸراق بۇل وقيعا بويىنشا ەلٸ سوت بولعان جوق. سوڭعى شابۋىلعا كەلسەك, پوليتسييا مەلٸمەتٸنشە, فاكت تەكسەرٸلٸپ جاتىر.
"ماتەريال پاۆلودار قالالىق پب ورتالىق پوليتسييا بٶلٸمٸنە تٸركەلدٸ. تەكسەرۋ جٷرٸپ جاتىر", - دەدٸ وبلىستىق پوليتسييا دەپارتامەنتٸنٸڭ باسپاسٶز قىزمەتٸ ٶكٸلدەرٸ.
سونداي-اق, دەپارتامەنت ساراپتاما تاعايىنداعانىن, ونىڭ قورىتىندىسى بويىنشا پروتسەسسۋالدىق شەشٸم قابىلداناتىنىن ايتتى. پوليتسييادان بٶلەك پاۆلودارلىق كەلٸنشەك "نەمولچيkz" قورىنان دا كٶمەك سۇراعان. ەيەل ٶزٸن كٷيەۋٸنەن قورعاپ, وبەكتيۆ تەرگەۋ جٷرگٸزۋدٸ سۇرايدى.
