پاۆلودار قۇتقارۋشىلارى شۇڭقىرعا قۇلاپ كەتكەن 11 جاسار بالانى امان الىپ شىقتى, دەپ حابارلايدى قازاقپارات Pavlodarnews.kz سايتىنا سٸلتەمە جاساپ.
وقيعا وبلىس ورتالىعىنداعى جەلتوقسان كٶشەسٸ, 151 مەكەنجايىندا ورنالاسقان جەكە ٷيدٸڭ اۋماعىندا بولعان.
پاۆلودار وبلىستىق تٶتەنشە جاعدايلار دەپارتامەنتٸ باسپاسٶز قىزمەتٸنٸڭ مەلٸمەتٸنشە, 13 قازان كٷنٸ تٷنگٸ ساعات 22:27-دە «112» پۋلتٸنە وقىس وقيعا تۋرالى حابارلاما كەلٸپ تٷسكەن.
«وقيعا ورنىنا 4 قۇتقارۋشى, 1 تەحنيكا باردى. قۇتقارۋشىلار كەلگەن بويدا شۇڭقىرعا تٷسٸپ, الپينيستٸك قۇرال-جابدىقتاردىڭ كٶمەگٸمەن بالانى شىعارىپ الدى. بالا جەدەل تٷردە «103« قىزمەتٸنە تاپسىرىلىپ, وبلىستىق بالالار اۋرۋحاناسىنا جاتقىزىلدى», - دەلٸنگەن باسپاسٶز حابارلاماسىندا.
وسى ورايدا, تٶتەنشە جاعدايلار دەپارتامەنتٸنٸڭ ماماندارى كەزدەيسوق شۇڭقىرعا تٷسٸپ كەتكەن ادامعا كٶمەكتەسەتٸن بٸرنەشە قاراپايىم ەرەجەلەر بار ەكەنٸن ەسكە سالادى.
«بۇل جاعدايدا ٷرەيگە بەرٸلمەۋ كەرەك. قاتتى قوزعالىس جاساماڭىز. ەگەر سٸزدە تەلەفون بولسا, دەرەۋ قۇتقارۋ قىزمەتٸنە «112« جەنە «101« نٶمٸرلەرٸ بويىنشا قوڭىراۋ شالىڭىز. ال ۇيالى تەلەفون بولماعان جاعدايدا ايعايلاپ, كٶمەككە شاقىرىڭىز», - دەيدٸ ماماندار.
